ဒုက္ခပါပဲ… ဖြစ်မလာတဲ့ စိတ်ကူးလေးတွေကို သတိရရင်း ငါ့မှာ ၀မ်းနည်းရတယ်လို့…။

နံနက် ၇နာရီခွဲ မတိုင်ခင် မြည်လာတဲ့ နှိုးစက်သံနဲ့ အိပ်ယာနိုးရတာ ၀မ်းနည်းရ။

Good Mornee ဆိုပြီး ကိုယ့်ဖုန်းဆီ ခုန်ချမလာတဲ့ sms တွေအတွက်လည်း ၀မ်းနည်းရ။

ရှည်လာတဲ့ ကိုယ့်လက်သည်း ကိုယ့်ဖာသာ ညှပ်ပစ်ဖို့ ကြိုးစားတိုင်းလည်း ၀မ်းနည်းရ။

တီရှပ်အဖြူ လေး တွေ မြင်တိုင်းလည်း တီရှပ်အဖြူလေးတစ်ထည်အတွက် ၀မ်းနည်းရ။

ကမ်ပိန်းတီရှပ်လေးတွေ ၀တ်မိတိုင်းလည်း ၀မ်းနည်းရ။

အဂွယ်ရိုးရဲ့ မန်စီးတီး ၃ - ၀ ချဲလ်ဆီးပွဲမှာ သွင်းသွားတဲ့ hat trick ဂိုးအကြောင်းတွေးမိတိုင်းလည်း ၀မ်းနည်းရ။

ပြည်သူ့ရင်ပြင်က ရေပန်းဥယျာဉ် ရဲ့ အလှမှာလည်း ၀မ်းနည်းရ။

မစားခဲ့ရတဲ့ Frozen Yogurt တစ်ခွက် အတွက်လည်း ၀မ်းနည်းရ။

ပီဇာ တစ်ပွဲ အတွက်လည်း ၀မ်းနည်းရ။

ကမ္ဘာအေးစေတီ က ငါးကန်မှာ အစာမျှော်နေတဲ့ ငါးကြီးတွေကြောင့်လည်း ၀မ်းနည်းရ။

မြန်မာဝတ်စုံလေးနဲ့ ကောင်မလေးတစ်ယောက် အကြောင်းလည်း ၀မ်းနည်းရ။

မစုဖြစ်သေးတဲ့ ဘဏ်စာအုပ်လေးအကြောင်းလည်း ၀မ်းနည်းရ။

Handmade postcard လေး မျှော်နေမိရင်းလည်း ၀မ်းနည်းရ။

တစ်ပတ် ၂ ရက်ထက်ပို အရက်သောက်မိရင်လည်း ၀မ်းနည်းရ။

အိပ်ယာဝင်ကာနီး Good Night ဆိုတဲ့ စာတိုလေး ခုန်ဆင်းမလာလို့လည်း ၀မ်းနည်းရ။

ကိုဇေ

20052016 @ 1527

ကြယ်ကလေး သို့ လွမ်းဆွတ်ခြင်း

ခဏခဏလည်း တောက်လောင်ခဲ့ဘူးပါတယ်။ ဒါဟာ ကောက်ရိုးမီးပါလို့ ငါထင်နေတုန်း ငါ့ရင်ထဲ ကြယ်လေးတစ်ပွင့် ကြွေဆင်းသွားတယ်။ ကြယ်ကလေးရေ... ဘယ်အချိန်ထိ ဆက်လင်းနေဦးမှာလည်း။ ဘယ်လောက်ကြာကြာထိ ဆက်လင်းနေဦးမှာလည်း။ ဘယ်အချိန်မှာ အလင်းရောင်တွေ ပျောက်သွားမှာလည်း။ ကြယ်ကလေးရေ... မင်းကိုယ်တိုင် အလင်းရောင် မပိုင်ဆိုင်သေးတာကို ကိုယ်မေ့ပြီး မင်းအလင်းရောင်ကို ကိုယ်ဘာလို့ မျှော်လင့်နေမိပါလိမ့်...

April 13, 2015 at 2:46AM

★ ★ ★

ကောင်းကင်မှာ ကြယ်ကလေးတွေ လင်းနေတယ်။ အဲဒီကြယ်ကလေးတွေ အများကြီးထဲကနေ ကြယ်လေးတစ်လုံးကို ကိုယ်သတိထားမိတယ်။ အဲဒီကြယ်လေးရဲ့ အလင်းရောင်ဟာ ကိုယ့်အတွက် သီးသန့်ဖြစ်တည်တယ်လို့ ကိုယ်စိတ်ကူးတယ်။ ကိုယ့်ကြယ်ကလေးက လှလိုက်တာ။ သူ့အလင်းရောင်က ကိုယ့်အတွက် ခမ်းနားထည်ဝါလွန်းလှတယ်။ ကိုယ်တစ်ဖက်က သိစိတ်မှာ မိုးလင်းမှာ သိပ်ကြောက်တယ်။ နောက်ညတွေ ကိုယ့်ကြယ်ကလေးကို ပြန်မတွေ့မှာလည်း စိုးရိမ်တယ်။ ဘာပဲဖြစ်ဖြစ်ပေါ့... ကိုယ်ဒီည ကြယ်ကလေးရဲ့ အလင်းရောင်အောင် တစ်ညလုံး မအိပ်ဘဲ ခိုနားနေရင်း ရူးပါရစေ...

April 14, 2015 at 12:58AM

★ ★ ★

ပျော်ရွှင်စွာ၊ ကြည်နူးစွာ၊ ဆွတ်ဆွတ်ဖြူလို့...

တစ်ဖိတ်ဖိတ်လက်နေပေမဲ့၊ တေးသံစဉ်မထွက်နိုင်တဲ့

ကြယ်ကလေးရေ... မင်းပျော်ရဲ့လားကွယ်

ကြင်နာစွာ၊ မြတ်နိုးစွာ၊ ဆွတ်ဆွတ်ဖြူလို့

ကြည်လင်စွာ၊ သန့်ရှင်းစွာ၊ ဆွတ်ဆွတ်ဖြူလို့...

မောင်သိန်းဇော် - "ဆွတ်ဆွတ်ဖြူအနမ်း" မှ

April 15, 2015 at 12:50AM

★ ★ ★ 

ကြယ်ကြွေရင် ဆုတောင်းပြည့်တယ်တဲ့။ သူငယ်ချင်းတစ်ယောက်က ပြောနေတုန်း ကောင်းကင်က အလင်းတန်းလေးတစ်ခု ဖြာကျလာတယ်။ သူငယ်ချင်းကတော့ တစ်တွတ်တွတ်နဲ့။ ကိုယ်ကတော့ မျက်စိစုံမှတ်ပြီး ကြယ်လေးတစ်ခုရဲ့ ဖြစ်တည်မှု အကြောင်းကို စိတ်ကူးထဲကနေ ပြောနေတယ်။ အလင်းတန်းလေး ပျောက်သွားတယ်။ ကိုယ့်သူငယ်ချင်းကတော့ ပျော်နေတယ်။ ကိုယ်ကောင်းကင်ကြီးကို မော့အကြည့်... ကိုယ့်ကြယ်ကလေး တစ်ဖြတ်ဖြတ်နဲ့ လှ နေ လိုက် တာ . . .

April 16, 2015 at 1:06AM

 ★ ★ ★

ကြယ်ကလေး တစ်လုံးကို မြတ်နိုးမိသွားချိန်မှာ ကိုယ်နေ့တွေကို မုန်းလာတယ်။ တိမ်ထူထပ်တဲ့ ညတွေကို ကိုယ်အမုန်းဆုံးပဲ။

April 17, 2015 at 1:58AM

★ ★ ★

ကြယ်ကလေးတွေက အဝေးကြီး... ကိုယ်သိတာပေါ့ကွယ်။ ဒါပေမဲ့ သူတို့အလင်းရောင်ကို မိန်းမူးရင်း သူတို့ဟာ ကိုယ်နဲ့ နီးနေပါလားဆိုတဲ့ စိတ်ကူးနဲ့တင် ရူးကြည့်တယ်။ ကြယ်ကလေးကို အတောင်ပံ တပ်ပေးလိုက်ရင် ဆိုပြီး စိတ်ကူးကြည့်တယ်။ အဲဒီလိုရလို့ ကိုယ့်ဆီ ပျံသန်းလာရင်တောင် နာရီ ၆၀ ဒါမှမဟုတ် ဒီထက်မက ကြာချင်လည်း ကြာမှာပေါ့လေ...။ ကိုယ့်ဆီ ရောက်လာချင်မှလည်း လာမှာပေါ့။ ခုတော့ ကြယ်ကလေး အရိပ်အောက် ခိုလှုံနေရင်း ပစ္စုပ္ပန်ကို ကျေနပ်နေတယ်ပဲ ဆိုပါတော့လေ...

April 18, 2015 at 1:48 AM

★ ★ ★

သတိရခြင်းတွေဟာ ရင်ထဲမှာ ကြယ်ကလေးတစ်လုံး အဖြစ် ဖူးပွင့်လာခဲ့တယ်။

April 19, 2015 at 2:42AM

 ★ ★ ★

ကိုယ်အမှောင်တွေကို သိပ်ကြောက်တယ်လို့ အမှောင်ထဲကနေ အော်နေမိတုန်း မှုံပြပြကြယ်လေးတစ်လုံး ကိုယ်တွေ့လိုက်ရတယ်။ ကိုယ်သိပ်ပျော်သွားတာပေါ့လေ။ အလင်းရောင် ယဲ့ယဲ့လေးအောက်မှာပေါ့လေ။ ဒါပေမဲ့ ကြယ်ကလေးရယ်... ကိုယ်အတ္တမကြီး(ရက်)ပါဘူး။ ကြယ်ကလေး အလင်းရောင်ပေးရတာ ပင်ပန်းတဲ့အချိန် အိပ်စက်ငိုက်မြည်းလှည့်ပါ။ ကိုယ်အမှောင်ထဲမှာ နေသားကျအောင် နေပါ့မယ်။

April 20, 2015 at 12:37AM

 ★ ★ ★

Won't you be my guilding light

Lead the way to be by your side

Won’t  you be my *STAR* tonight

I need more than a neon light.

Arisma - Say You Will

April 20, 2015 at 9:51AM

 ★ ★ ★

အိပ်မပျော်တဲ့ တစ်ညမှာ ကိုယ့်ရဲ့ ကော်ဖီခွက်ထဲ ကြယ်ကလေးတစ်လုံး ခုန်ဆင်းလာခဲ့တယ်...

April 21, 2015 at 3:30AM

 ★ ★ ★

ကြယ်ကလေး ကြည်လင်းဝင်းပစွာ ထွန်းလင်းနေရင် ကိုယ်စိတ်ပါ ကြည်နူးတယ်။ ကြယ်ကလေး မှိုင်းပြပြ ဖြစ်နေရင် ကိုယ်စိုးရိမ်တတ်လာရော... ဒါတောင် ကိုယ်ဟာ အလင်းရောင်ကို ငေးမောကြည့်ရုံပဲ တတ်နိုင်ခဲ့လို့ပါ...

April 22, 2015 at 3:14AM

★ ★ ★

"ညအနီ"

ကောင်းကင်ကို မော့ကြည့်ပြီး

လက်ညှိုးလေးတစ်ချက် " ကွေး " ချ လိုက်တယ်

ကြယ် တွေ ကြွေ လာ စမ်း

ရုပ်သေး

2009

April 22, 2015 at 7:15PM

 ★ ★ ★

ကောင်းကင်ရဲ့ ရင်ခွင်မှာ ပန်းပွင့်ကဖြစ်တဲ့ ကြယ်တွေ ရှိသတဲ့

သူငေးနေတာ သူ့ရဲ့ကြယ်ဆိုပဲ

ကြွေသွားတဲ့ ကြယ်ကို ငေးနေတဲ့ သူအတွက်ကတော့

ကောင်းကင်မှာ ဘယ်တုန်းကမှ ကြယ်တွေ မရှိခဲ့ဖူးဘူး

လွတ်ဆွတ်ခြင်းဟာ ကြယ်ဖျောက်တရား ဆိုပါတော့

နှလုံးသား အမာရွတ်ပေါ် တည့်တည့်ကျလာတဲ့ မျက်ရည်စက်မှာ

Acid ဂုဏ်သတ္တိပါသလား မသိပါ

ကြယ်ကလေး မသိနိုင်ပါ

ပင်လယ်ကြမ်းပြင်အောက်မှ ခရုခွံလေးထဲ ၀ပ်နေသော

ကြယ်ကလေး မသိနိုင်ပါ

သူ့ကို ကျွန်တော်ရှာနေမှန်း

ကြယ်ကလေး မသိနိုင်ပါ...

ကြယ်ငေးတရားမှာ ငြိမ်း ချမ်း ပါ စေ . . .

Anne

April 23, 2015 at 2:11AM

 ★ ★ ★

ကြယ်တွေဟာ သေကြွေကျလာတော့မှ

အလင်းထုတ်နိုင်သူတွေပါ

တကယ်တော့

ငါဟာ မင်းဆီကြွေကျလာနေတဲ့

ကြယ်တစ်စင်းပေါ့

မင်းကို အလင်းပေးဖို့အတွက်

သေကြွေကျလာနေတဲ့

ကြယ်တစ်စင်းပေါ့...

April 24, 2015 at 1:51AM

 ★ ★ ★

ကြယ်ကလေးနဲ့ ကိုယ်ဟာ အလင်းနှစ် သန်းပေါင်းများစွာ ဝေးတယ်တဲ့။ ဒါပေမဲ့လည်း ကိုယ့်စိတ်ဟာ ကြယ်ကလေးဆီ ရောက်ချင်ရင် စက္ကန့်ပိုင်းလေးပါ...

(PS : ကိုယ်ဟာ ကြယ်ကလေးအနားမှာ အမြဲရှိနေပါတယ်လေ)

April 25, 2015 at 1:24AM

 ★ ★ ★

GOOD MORNING လို့နှုတ်ဆက်တယ်။ ကြယ်ကလေးက နေ့တွေညတွေ မလိုပါဘူး။ ရင်ထဲ တစ်ရက် နှစ်ဆယ့်လေးနာရီ ရှိပြီးသားမို့ပါ။ လင်းနေတယ်။ ထင်းထင်းကျင်းကျင်းပါပဲ။ နေပူမိုးရွာ ကိုယ့်ရင်ထဲ ကြယ်ကလေးပဲ ရှိနေတယ်။

April 25, 2015 at 5:35AM

 ★ ★ ★

ကြယ်ကလေးကိုငေးတာ

အလင်းမြင်ရရုံသက်သက်

အလင်းကွယ်ချိန်ဆိုရင်တော့

အမှောင်ကိုသာ ကိုယ်ငေးမယ်။

April 26, 2015 at 1:32AM

 ★ ★ ★

ဇု ခွဲခြမ်းခဲ့တဲ့ ကိုယ့်ရဲ့ ကိုယ်တစ်ခြမ်းဟာ

ကြယ်ကလေးတစ်လုံး ဖြစ်ခဲ့ပြီး

ကိုယ့်မပီဝိုးတ၀ါး လမ်းတွေကို

သူ့အလင်းရောင်နဲ့ လမ်းပြပေးခဲ့တယ်လေ...

April 27, 2015 at 12:43AM

 ★ ★ ★

★ ★ ★ အလွမ်းအလွန် ★ ★ ★

ကြယ်ကလေးတစ်လုံးရှိတယ်
သူလင်းနေတယ်

သူ့အလင်းက ကိုယ့်ကိုရည်ရွယ်သည်ဖြစ်စေ
သူ့အလင်းက ကိုယ့်ကို မရည်ရွယ်သည်ဖြစ်စေ

အဲဒီ အလင်းရောင်လေး
သူ့ ဘာ သာ ဆက် လက် ထွန်း လင်း နေ ပါ စေ။                 ။


April 27, 2015 at 6:12PM

ကိုဇေ

(Facebook ပေါ်တွင်တင်ခဲ့မိသော ကြယ်ကလေးအား လွမ်းဆွတ်မှု Status များကို စုစည်းထားခြင်း)

မိုး ကို မုန်းတယ်

ကိုယ်တွေကျောင်းသားဘ၀က စာစီစာကုန်းရေးဆိုရင် မိုးနဲ့မလွတ်ကင်းခဲ့ဘူး။ တစ်ခါတစ်လေ ဆရာမက ခေါင်းစဉ်ကို သင်ကြိုက်နှစ်သက်သော ရာသီဥတုတစ်ခုဆိုပြီး ပေးထားတတ်ပေမဲ့ သူက မိုးရာသီအကြောင်းပဲ ဖွဲ့နွဲ့ရေးစေချင်တယ်လေ။ ဒီထက်ပိုပြီး ဒီမိုးရာသီအကြောင်း ဦးတည်ထားတဲ့ ခေါင်းစဉ်တွေကလည်း ရှိခဲ့သေးတယ်လေ။

အမှန်အတိုင်းပြောရရင် ခင်ဗျားတို့ ကိုယ့်ကို အဆိုးမြင်တယ်လို့ ပြောချင်လည်း ပြောလို့ရတယ်။ မြန်မာနိုင်ငံရဲ့ ရာသီဥတု သုံးခုလုံးကို ကိုယ်မကြိုက်ဘူး။ အဆိုးဆုံးက မိုးရာသီကို ကိုယ်က မကြိုက်ရုံထက်ပိုတဲ့အဆင့် မုန်းခဲ့တာလေ။

မြန်မာနိုင်ငံဟာ ဆန်စပါးစိုက်ပျိုးသောနိုင်ငံ၊ မိုးဟာလယ်သမားဦးကြီးတွေရဲ့ ကျေးဇူးရှင် စသည်ဖြင့် ကိုယ်တွေ ငယ်စဉ်က လော်ဘီလုပ်ခံခဲ့ရတယ်လေ။ ဒါပေမဲ့ ကိုယ်ဟာ မိုးကို တစ်စက်လေးမှ မကြိုက်ခဲ့ပါဘူး။ ကိုယ်က ရန်ကုန်သားဖြစ်နေတာလည်း ပါတာပေါ့။ ရန်ကုန်မြို့ကြီးမှာ စပါးမှ မစိုက်တာ။ အဲတော့ ကိုယ်နေတဲ့ မြို့အတွက် ကိုယ် မိုးကို ကျေးဇူးမတင်ပါဘူး။

အရင်ဆုံး ကိုယ့်အကြောင်းလေးပဲ ပြောပြပါဦးမယ်။ ကိုယ်က အဆုတ်သိပ်မကောင်းဘူးလေ။ မိုးနဲနဲမိလိုက်တာနဲ့ အအေးမိချင်မိ၊ အနဲဆုံးတော့ နှာစေးချောင်းဆိုး တော့ဖြစ်လိုက်တာပဲလေ။ ကိုယ်ဆယ်ခါဖျားရင် ခုနစ်ခါလောက်က မိုးနဲ့ပတ်သက်ပြီး ဖျားရတာလေ။ အဲတော့ ဒီမိုးကို ဘယ်သဘောကျမှာတုန်းဗျ။ ပြီးတော့ ကိုယ်က လမ်းလျှောက်ရင် လွတ်လွတ်လပ်လပ် လျှောက်ရတာကို ကြိုက်တာလေ။ ထီးဘယ်ကိုင်ချင်ပါ့မလည်းဗျာ။ ထီးဆောင်းလည်း လုံတာမှ မဟုတ်တာ။ ပြီးတော့ မိုးတိတ်သွားရင် အဲ့ထီးစိုစိုကြီးကို ဘယ်နားထားလို့ ထားရမှန်းမသိ။ အရမ်းစိတ်ရှုပ်ဖို့ကောင်းတာဗျ။ တစ်ခါတစ်လေ ကိုယ်တွေမှာက စာအုပ်တွေပါသေးတယ်လေ။ ပြီးတော့ ရေစိုရင် ပျက်စီးနိုင်တဲ့ အီလက်ထရောနစ် ပစ္စည်းတွေနဲ့လည်း ကင်းကွာတာမှ မဟုတ်တာ။ အဲဒီအတွက်လည်း မိုးရွာပြီဆိုရင် စိတ်ညစ်ရပြန်ရော။

တစ်ခါမှတ်မှတ်ရရပေါ့။ ကိုယ်လှည်းတန်းကနေ မြေနီကုန်းသွားတာ။ လှည်းတန်းမှာ မိုးအကြီးအကျယ်မိရော။ ထီးလည်းမပါ အခြားစိုရင် ပျက်စီးနိုင်တဲ့အရာ ဘာမှမပါတော့ ပိုက်ဆံအိတ်ကို ကျွတ်ကျွတ်အိတ်နဲ့ထုတ်ပြီး ဒီအတိုင်းပဲ မိုးရေထဲ ၄၈ ဟိုင်းလပ်တွယ်စီးခဲ့တာပေါ့။ ဟံသာဝတီလည်း ကျော်ရော.. မိုးက တစ်ဖြည်းဖြည်း ပါးလာလိုက်တာ.. မြေနီကုန်းမှာ နေက ချစ်ချစ်တောက်ပူလို့…။ ကိုယ့်ခဗျာ ရေစိုကြီးနဲ့ မြောင်းထဲပဲ ပြုတ်ကျလာသလိုလို ဘာလိုလို..။ အဲဒီကွက်ကျားမိုး ဆိုတာကြီးက အမုန်းတကာ အမုန်းဆုံးစာရင်းဝင်ပဲ။

ကဲ ကိုယ့်ပါဆင်နယ်တွေ ကြောင့်ပဲ မုန်းတယ်တော့ မဟုတ်ပါဘူး။ ကိုယ်တို့ ပတ်ဝန်းကျင်ကို တစ်ချက်လောက် ကြည့်လိုက်ရအောင်ဗျာ။ ရန်ကုန်မှာ မိုးရွာရင် ကားလမ်းတွေ ရေလျှံတယ်ဗျာ။ အထူးသဖြင့် သမိုင်းလို နေရာမျိုး၊ ကမ္ဘာအေးလို နေရာမျိုးတွေပေါ့။ ပိုပြီးဆိုးရင် အိမ်ထဲအထိ ရေ၀င်တယ်ဗျာ။ အလိုလိုမှ ကားလမ်းတွေ ပိတ်ပါတယ်ဆိုမှ မိုးရွာလိုက်ရင် မပြီးတော့ဘူး။ လူကရေစို အလုပ်ကနောက်ကျ။ ပြီးတော့ ကိုယ်တို့ရန်ကုန်မှာ ထုံးစံရှိတယ်လေ။ မိုးရွာပြီးတာနဲ့ EPC က ပြည်သူအများ လျှပ်စစ်အန္တရယ်မှ ကင်းဝေးနိုင်ရန်ဆိုပြီး မီးပါဖျက်ပေးတယ်လေ။ မီးပျက်တဲ့အချိန် အလိုလိုမှ နှေးပါတယ်ဆိုတဲ့ ကော်နက်ရှင်ကလည်း ထိုးထိုးကျသွားတတ်သေးတယ်လေ။ မြို့သစ်တွေဆိုလည်း ဗွက်ပေါက်လို့။ သွားရခက် လာရခက်။ စိတ်ပျက်ဖို့အရမ်းကောင်းပါတယ်ဗျာ။

မိုးအေးတဲ့ အချိန်အရက်သောက်လို့ ကောင်းတယ်တဲ့။ ဒါပေမဲ့ ကျွန်တော်က အရက်ကုမ္ပဏီ တစ်ခုမှာ လုပ်ခဲ့ဘူးတယ်လေ။ မိုးတွင်းဆို အရောင်းကျတယ်တဲ့။ မိုးတွင်းဆို ဂိုဒေါင်အပြည့်ပဲတဲ့။ မိုးတွင်းမှာ ဖြုန်းအားမရှိဘူးဆိုပဲ။ ဆက်စပ်ပြီး တွေးကြည့်ရင် ဟုတ်တယ်ဗျ။ မိုးတွင်းမှာ  အခြေခံလူတန်းစားတွေ အတွက် ပိုက်ဆံရှာရ အရမ်းခက်တာ။ မိုးရွာရင် တော်ရုံတန်ရုံကလည်း ကိစ္စမရှိဘဲ အပြင်မထွက်ကျဘူးလေ။ တက်စ်စီဆိုလည်း ဆွဲမကောင်းဘူး။ လက်ဖက်ရည်ဆိုင်လည်း မိုးဝင်ခိုတဲ့ သူလောက်ပဲရှိတယ်။ လမ်းဘေးဈေးသည်တွေဆို ပိုဆိုးပေါ့ဗျာ။ လက်ပွေ့ရောင်းတဲ့အသည်တွေလည်း အရင်းမှ ရရဲ့လားမသိ။ တော်တော်စိတ်ပျက်ဖို့ ကောင်းတယ်ဗျာ။

ဟော ပြောရင်းဆိုရင်း တစ်နေကုန် နေပူထားပြီး ရုံးဆင်းကာနီးမှာ ဒီမိုးက ဆိုင်းမဆင့် ဗုံမဆင့် ရွာချပြန်ပြီ။ တော်တော်သည်းသည်းမဲမဲပဲ။ ဒီတစ်ခါတော့ ကိုယ်အားရပါးရဆဲပါရစေ…

စောက်မိုး !@#$+_)(*&^%>?<

ကိုဇေ

October 30, 2014 (Thursday)

4:22PM

ရွေးချယ်ခွင့်

“ဆူး”  မှာကြောက်ရင်     “စား”

“ရူး” မှာ ကြောက်ရင်     “ဆုပ်”

“ဘ ၀”  မှာ    အဲ ဒီ လို

ရွေး   ချယ်      ခွင့်      ရှိ        တယ်။                ။

ကိုဇေ

ငေးရင်းတွေး

လူ၏ပြဿနာမှာ အတိတ်ရှိနေခြင်းကို အသိအမှတ်ပြုနေရခြင်းသာ ဖြစ်သည်။

‪#‎မြင့်သန်း

မေ့ဖို့ကြိုးစားခြင်းကိုက သတိရခြင်းပဲလေ။ ကိုယ်တွေမှာ ရှိခဲ့ဘူးတဲ့ အတိတ်ကို ဘာလို့ မေ့ဖို့တစ်ကူးတစ်က ကြိုးစားမှာလည်းကွယ်။ သတိရစရာရှိလည်း သတိရလိုက်ပေါ့။ လွမ်းစရာရှိလည်း လွမ်းလိုက်ပေါ့။ ကြေကွဲစရာရှိလည်း ကြေကွဲလိုက်ပေါ့။ ခံစားစရာရှိလည်း ခံစားလိုက်ပေါ့ကွယ်။ ဒီနာကျင်မှုတွေဟာ အသားကျသွားရင် ကြင်နာစရာတွေ ဖြစ်လာမှာပါ။

မနက်ဖြန်ဆိုတာတွေက သိပ်တော့လည်း မသေချာပါဘူး...။ ဒါပေမဲ့ ကိုယ်ခုချိန်မှာ တစ်ခုခုကြောင့် ကြည်နူးနေမိတယ်ဆိုရင် မနက်ဖြန်တစ်ရက်ရက်မှာ အဲဒီကြည်နူးမှုလေး ပျောက်ပျက်သွားမှာကိုပါ စိုးရိမ်နေမိတယ်။ ကိုယ်ဆိုတဲ့ကောင်က ခုကြည်နူးနေတာကိုတောင် မနက်ဖြန်ကိုတွေးပြီး နာကျင်နေတတ်တဲ့ကောင်ပါ။

အတိတ်တွေကတော့ ရှိခဲ့ပြီ။ မနက်ဖြန်ကတော့ မသေချာသေးဘူး။ ကိုယ်ခုဖြတ်သန်းနေတာ ဒီနေ့...။ ဒါပေမဲ့လည်း အတိတ်ကိုငေးရင်း ကိုယ်မနက်ဖြန်တွေကို တွေးကြောက်နေတယ်။

ကိုဇေ

မေ့ဖို့ကြိုးစားနေတာကိုက သတိရနေခြင်းပဲလေ

မေ့ဖို့ကြိုးစားနေတာကိုက သတိရနေခြင်းပဲလေ...

ကိုယ်က ကိုယ့်ခံစားမှုနောက် ထပ်ချပ်မကွာလိုက်တယ်။ နာကျင်နေတယ် မဟုတ်လား။ ဘာလို့ ရှောင်လွဲမှာလည်း။ ထွက်ပြေးတာက လွတ်မြောက်တာမှ မဟုတ်တာ။ နာကျင်မှုကို ရင်ဆိုင်ကြည့်စမ်းပါ။ အဲဒါလည်း အရသာတစ်ခုပါပဲ။

ဥပမာပေါ့... ဆေးလိပ်ကို လူတွေသောက်တယ်။ နီကိုတင်းရဲ့ ရီဝေမှုကို ကြိုက်လို့၊ ဒါမှမဟုတ် မီးခိုးငွေ့လေး မှုတ်ထုတ်လိုက်ရတာ ကြိုက်လို့။ ဘယ်သူက ကင်ဆာဖြစ်စေတဲ့ Tar ဆိုတဲ့ ကတ္တရာကို ကြိုက်မှာလည်း။ ဒါပေမဲ့ ကိုယ်လိုချင်လို့ ရွှေးချယ်ပြီးတဲ့ အခါ တစ်ပါတည်း ပါလာတဲ့ မလိုချင်တာကိုလည်း ငြင်းဆန်လို့ မရဘူးလေ။ ကဲ ဆေးလိပ်ဖြတ်မလား။ ကင်ဆာဖြစ်ချင်ဖြစ်ကွာ ဆိုပြီး မီးခိုးငွေ့တွေကြား မျောဝင်မှာလား။

ရည်းစားထားရင် အကြီးဆုံးယူရတဲ့ RISK က အသဲကွဲတာပဲ။

လူတစ်ယောက်ကို ချစ်မိရင် နာကျင်ရမှာပဲ။

ကဲအသဲကွဲနေတာလား၊ ချစ်မိလို့ နာကျင်နေတာလား၊ ဘာလို့ ရှောင်လွဲနေမှာလည်းကွယ်။ နာကျင်နေတာဟာလည်း အချိန်တန်ရင် နေသားကျသွားမှာပါ။ ကျေးဇူးပြုပြီး အတိတ်မှာ မနေပါနဲ့တို့ အနာဂတ်တွေရှိနေသေးတယ်တို့ ကိုယ့်ကိုလာပြီး မပြောပါနဲ့။ ကိုယ်လိုချင်တာက ခင်ဗျားတို့ ကိုယ်နဲ့နှိုင်းပြီး ကိုယ်ချင်းစာစေချင်တာ မဟုတ်ဘူး။ ကိုယ့်ရင်ထဲ ၀င်ကြည့်ပြီး ကိုယ်နဲ့အတူ လိုက်ပါစီးမျောစေချင်တာ...

ချစ်မိပြီလား။ နာကျင်မှုကို ခံစားပါ။ အခန့်မသင့်ရင် အသဲကွဲပါလိမ့်မည်။

PS : ဆေးလိပ်သာ မသောက်ချင် ဖြတ်လို့ရတာ။ မချစ်ပါနဲ့လို့တော့ တားမရဘူးနော်။

ကဲ. . . ဘာကို မေ့ဖို့ ကြိုးစားနေဦးမှာလည်း။

မေ့ ဖို့ ကြိုး စား နေ တာ ကို က  

သ   တိ     ရ        ခြင်း             ပဲ                   လေ      ။                      ။

ကိုဇေ

October 5,2014(Sunday)

11:52PM

ကျွန်တော်သိသော အချစ်၊ သံယောဇဉ်၊ နားလည်မှု

အချစ်

နာကျင်ပါတယ် ပြော ပြော ပြီး

ဒီ နာကျင်မှု ဒဏ်ရာကိုပဲ

တစ်ရှုက်မက်မက်၊ ထပ်ကာတလဲလဲ

တိုး   ၀င်      ခံ            စား                  ကြ                          တယ်။

သံယောဇဉ်

လွမ်းရမယ်ဆိုတာ သိလျက်နဲ့

တစ်ယောက်စိတ်ကို တစ်ယောက်

တိုးတိုးပြီး  ချည်        နှောင်              ကြ                     တယ်။

နားလည်မှု

တူညီတာမှုတွေကို ခိုင်မြဲအောင် တည်ဆောက်ပြီး

မတူညီမှုအချို့ကို ညှိနှိုင်းယူ

မတူညီမှုအများစုကို မတူညီတဲ့အတိုင်း

လက် ခံ             ပေး                         တယ်။

ကိုဇေ

ပျော်ရွှင်မှု Vs နာကျင်မှု

ငါပျော်တယ်ဆိုတာ ငါသိပ်မငိုရတဲ့နေ့တွေပဲ ဖြစ်မှာပါ...

ရှိန်း

ပျော်ရွှင်မှု... ပျော်ရွှင်မှု ဆိုတာဘာလည်း... ငါ့ကိုယ်ငါ ပြန်မေးကြည့်မိတယ်.. မင်းအခု နာကျင်နေတယ် မဟုတ်လား... မင်းနာကျင်နေတဲ့ အချိန်တွေမှာ ကြည်နူးမိတဲ့ အချိန်တွေ၊ သာယာမိတဲ့ အချိန်တွေကို ပြန်စဉ်းစားကြည့်မိလိမ့်မယ်... အဲဒါ ပျော်ရွှင်မှုပဲ... ပျော်ရွှင်မှုဆိုတဲ့ အရာက ကြုံတွေ့နေရတဲ့ ပစ္စုပ္ပန်မှာ ဘာမှန်းမသိသာဘူးလေ... သမရိုးကျလေးပဲ ဖြတ်သန်းသွားလိုက်တာ... ပြီးတော့ ဘယ်လိုတည်မြဲအောင် ထိန်းသိမ်းထားရမလည်းဆိုတာလည်း မတွေးခဲ့မိဘူးလေ... အဲ နောင်တစ်ချိန် နာကျင်မှုနဲ့ ကြုံတဲ့အခိုက်မှ အော် ငါပျော်ခဲ့ဘူးပါလားဆိုပြီး ပြန်လည် ခံစားမိတာ...ဒါပေမဲ့ အဲအချိန်မှာ မပျော်ရွှင်နိုင်တော့ဘူး...  အဲလိုဆို နာကျင်မှုဆိုတာကရော... နာကျင်မှုဆိုတာကလား... အမ်း အတိတ်တုန်းက နာကျင်စရာ ကြုံကြုံချင်းမှာလည်း နာကျင်ခဲ့တယ်... ပစ္စုပ္ပန်မှာလည်း နာကျင်ဆဲပဲ.. အဲ အနာဂတ်ရောက်သွားလို့ ပြန်တွေးမိလိုက်တိုင်းလည်း တစ်စိမ့်စိမ့် နာကျင်နေရဦးမှာပဲလေ... 

ဘဝဆိုတာ ပျော်ရွှင်ရန် တိုတောင်းလွန်းပြီး နာကျင်ရန် ရှည်လျားလွန်းပါတယ်လေ...။ 


ကိုဇေ

ဖြူနှင်းဖွေး ၏ ကဗျာတစ်ပုဒ်မှရသော အတွေးတစ်စ

ကမ္ဘာမကျေ New Version

တရားပျောက်လို့ ဥပဒေကင်းကွာလို့နေ တို့ပြည်
များလူခတ်သိမ်း ဆင်းရဲစေဖို့
ရှိသမျှသယံဇာတ ရောင်းစားလို့နေ တို့ပြည်
ပြည်ထောင်စုအမွေ
အကုန်ရောင်းစားပေ
တ ရုတ် သို့ လေ...

ကမ္ဘာမကျေ မြန်မာပြည်
ဒါတို့ပြေ ဒါတို့မြေ ဦးပိုင်တို့မြေ
ဒါတို့ပြေ ဒါတို့မြေ တပ်ပိုင်တဲ့မြေ
တို့ပြည် တို့မြေ ကျုးကျော်သူပြည်သူများကို
ဘူဒိုဇာနဲ့ ထိုးလေ
တို့တာဝန်ပေ အဘခိုင်းလို့လေ...။


ကိုဇေ

သူမအတွက် ဆုတောင်း (၃)

နင်ငါ့ကို ချစ်သည်ဖြစ်စေ

နင်ငါ့ကို မချစ်သည်ဖြစ်စေ

နင့်ကို လူတိုင်းက ချစ်ပါစေ

ငါ ဆုမွန်ချွေသည်။            ။

ကိုဇေ

အင်တာနက်

အဝေးမှ အရာများကို

နီးကပ်သွားစေ၍

အနီးမှ အရာများကို

ဝေး …………………………… ကွာ ………………………. သွား စေ သည်။

ကိုဇေ

သူမအတွက် ဆုတောင်း (၂)

လသာသည် ဖြစ်စေ

လမိုက်သည် ဖြစ်စေ

ချစ်ရတဲ့ သူမ

ငြိမ်းချမ်းစွာ နဲ့ နှစ်ခြိုက်စွာ

အိပ်စက်နိုင်ပါစေ...


ကိုဇေ

သူမအတွက် ဆုတောင်း (၁)

နေသာတဲ့ အချိန်တွေရော

နေမသာတဲ့ အချိန်တွေပါ

ချစ်ရတဲ့ သူမ

စိတ်ချမ်းသာ ကိုယ်ကျမ်းမာ

ချမ်း မြေ့ ပျော် ရွှင် နိုင် ပါ စေ . . .


ကိုဇေ

စကားလုံး နှင့်ပတ်သက်ပြီး တွေးမိခြင်း

အဘိဓာန်ထဲမှာ ရှိမှ စကားလုံးဆိုတာ အဓိပ္ပာယ်ရှိတယ် အဘိဓာန်မှာ မရှိရင် အဓိပ္ပာယ်မရှိဘူး အဲဒါကြောင့် မသုံးရဘူးလို့တော့ ကျွန်တော်မထင်ဘူး...။ စကားလုံးဆိုတာ လူတွေပြောပါများ / သုံးပါများရင်းကနေ တွင်ကျယ်သွားတာလေ။ အဘိဓာန်တွေကသာ ခေတ်နဲ့အညီလိုက်ပြီး update လုပ်ပေးသင့်တာ...။ ကျွန်တော်ကတော့ "သူမ" ကိုလည်း လက်ခံတယ်.. "စော်၊ဘဲ..." စတဲ့ ခေတ်အသုံးအနှုံးတွေလည်း အဘိဓာန်မှာ ပါသင့်တယ်လို့ ထင်တယ်။

ကိုတေဇာ (လရောင်လမ်း) ပြောသလို "မိမိဘာသာစကားကို မျက်စိစုံမှိတ်ပြီး ဝံသာနုအခြေခံစိတ်နဲ့ ချစ်ပြ နေဖို့ထက် ပိုပြီးထိရောက်တဲ့ ဘာသာစကားတစ်ခုဖြစ်လာအောင် ပြောင်းလဲဖို့ အလျဉ်းသင့်သလိုမွေးစားနိုင်ဖို့ပဲ ကြိုးစားသင့်တာပါ။

ကိုဇေ

ကိုဇေ ဒိုတာ မုန်းသောအကြောင်းရင်းများ

ဖြစ်ရပ်(၁)။ ကိုဇေနှင့်အရမ်းခင်သော ကောင်လေးကောင်မလေး အတွဲတစ်တွဲရှိပါသည်။ ကောင်လေးသည် ကောင်မလေးအား ခဏခဏ ချိန်းပါသည်။ ချိန်းတိုင်း ကောင်မလေးမှစောရောက်ပါသည်။ ကောင်လေးသည် အမြဲနောက်ကျပါသည်။ တစ်ခါတစ်ရံ ရောက်မလာတတ်ပါ။ ထိုအခါကောင်မလေးမှ ကောင်လေးရှိတတ်သော ဂိမ်းဆိုင်သို့လိုက်သွားပါသည်။ ထိုအခါတွင်လည် ဒိုတာသမားများ၏ ဖရုသ၀ါစစကားများကိုနားထောင်ရင်း ထိုင်စောင့်ပေးရတတ်ပါသည်။ မတတ်သာသည့်အဆုံး ကောင်မလေးနောက် ကောင်လေးပါသွားသော အခါ ဆိုင်ထဲတွင်ကျန်ခဲ့သော သကောင့်သားများမှ မကြားတကြား စောင်းမြောင်းပုတ်ခတ် ပြောဆိုတတ်ပါသည်။ ကြာသောအခါကောင်မလေးတွင် ညည်းခံနိုင်မှု ကုန်ဆုံးသွားသောအခါ ကောင်လေး ကိုဖြတ်ပစ်လိုက်ပါသည်။

ဖြစ်ရပ်(၂)။ ထိုအတွဲကဲ့သို့နောက်တစ်တွဲရှိပါသည်။ ထိုကောင်လေး သည် အပေါ်မှကောင်လေးလောက်တော့မဆိုးပါ။ ကောင်မလေးသည် အလုပ်ရှုပ်သောကြောင့်သိပ်လည်းမတွေ့ဖြစ်ပါ။ သူသည် နေ့မှန်းညမှန်းမသိဒိုတာခုတ်ပါသည်။ သူကောင်မလေးမွေးနေ့ကိုမေ့သွားပါသည်။ ကောင်မလေးက ကြိုပြောထားရက်နှင့်ညဘက်ဒိုတာခုတ် အိပ်ပျော်ပီး နေ့စွဲမေ့ပီး မေ့သွားခြင်းဖြစ်ပါသည်။ ကောင်မလေးလုံးဝခွင့်မလွှတ်ပါ. ခွင့်လွှတ်စရာအကြောင်းလည်းမရှိပါ။ ကောင်မလေးများ မွေးနေ့ကဲ့သို့နေ့များကိုတန်ဖိုးထားတတ်မှန်း ကောင်လေးများသိသင့်ပါသည်။

ဖြစ်ရပ်(၃)။ ကောင်မလေးသည် အော်ဇီတွင်ကျောင်းတက်နေပါသည်။ သူရန်ကုန်ပြန်ဖြစ်ဖို့သေချာမသေချာ ဖြစ်နေပါသည်။ သေချာသွားသောနေ့တွင် သူ့ကောင်လေးကိုဂျီတော့တွင်တွေ့သဖြင့် ၀မ်းသာအားရလှမ်းခေါ်၍ ပြောပြလိုက်ပါသည်။ ၂နာရီအတွင်း ကောင်လေးထံမှ ဘာမှပြန်ခြင်းမရှိပါ။ ကောင်မလေးစိတ်တို၍ ကိုဇေအားတိုင်ပါသည်။ ၂နာ၇ီခွဲလောက်ကြာမှ ထိုကောင်လေးတက်လာပါသည်။ ဒိုတာခုတ်နေလို့ခနစောင့်ပါဟုသာ ပြောသွားပါသည်။ ကောင်မလေးအားချော့ခြင်းလည်းမရှိပါ. ကိုဇေ ထိုကောင်လေး၏ကောင်းကြောင်းများကို ကောင်မလေးအားများစွာပြောပြပေးဘူးပါသည်။ သို့သော်......

ဖြစ်ရပ်(၄)။ တစ်နေ့ကိုဇေinbox ထဲသို့မတွေ့တာကြာပီဖြစ်သော သူငယ်ချင်းမှအိမ်လာမည်ဟူသော မေးတစ်စောင်ကို အချိန်နီးမှကပ်ရပါသည်။ ထိုနေ့တွင် ကိုဇေအရေးတစ်ကြီးကိစ္စြုဖင့် အပြင်သွားစရာရှိပါသည်. သို့သော် သူငယ်ချင်းကိုတွေ့ချင်သဖြင့် ထိုင်စောင့်နေပါသည်. နေ့လည် ၁၂နာရီ အိမ်တွင်ထမင်းပါစားမည်ဟု ပြောထားသောသူငယ်ချင်းသည် ညနေ၄နာရီအထိ ပြန်မလာပါ။ ကိုဇေသည် သူငယ်ချင်းဝက်သားကြိုက်မှန်းသိသဖြင့် ကိုယ်တိုင် မစားပေးမဲ့ ချက်ထားပါသည်။ နောက်နေ့ညမှ offline msg တစ်စောင်ရပါသည်. ချိန်းပွဲဖြစ်လို့ စောရီးတဲ့။ ကိုဇေတွင်လည်း ဒိုတာထက်အရေးတစ်ကြီးကိစ္စများရှိတတ်ပါသည်။

ဖြစ်ရပ်(၅)။ ကိုဇေအုတ်ကျင်းတွင်နေပါသည်. စမ်းချောင်းတွင်ကိုဇေအရမ်းခင်သော သူငယ်ချင်းတစ်ယောက်ရှိပါသည်။ မိုးရွာနေသော တစ်ညနေတွင် အွန်လိုင်းတွင်ကိုဇေနှုင့်ထိုသူငယ်ချင်းတွေ့ရာ သူမှ ပြောစရာရှိသဖြင့် သူ့ဆီင်္လာရန်ပြောပါသည်။ မိုးရွာထဲတွင်ကိုဇေအရောက်သွားပါသည်။ သူ့ချိန်းသောနေရာမှာ မြေနီကုန်းမှတော်တော်လမ်းလျှောက်ရပါသေးသည်။ တွေ့ရုံရှိ၍ လက်ဖက်ရည်ဆိုင်ထိုင်ရုံရှိသေး ထိုသူငယ်ချင်း၏ ဂိမ်းဆော့ဖော်များမှ ပွဲရှိ၍ ဆိုပီးလာခေါ်ပါသည်။ ကိုဇေအားရှိသည်ဟုပင်သဘောမထားပါ။ အလွန်ရိုင်းပြသောအမူအရာများဖြင့်လာခြင်းဖြစ်ပါသည်။ ကိုဇေသူငယ်ချင်းသည်လည်း ကိုဇေကိုခေါ်ထားပေးမဲ့ ထိုယဉ်ကျေးမှုမရှိသောသူများ ခေါ်ရာသို့လိုက်သွားပါသည်။ စောရီးလို့ပြောပေမဲ့ ကိုဇေသည် စမ်းချောင်းသို့ ဒိုတာဟူသောအသံကြားလျှင်လုံးဝခြေဦးလှည့်တော့မည် မဟုတ်ပါ။

ဖြစ်ရပ် (၆)။ ကိုဇေသုံးနေကြအင်တာနက်ဆိုင်တွင် အတူတူသုံဖော်သုံးဖက် အ၇မ်းခင်သောကောင်မလေးတစ်ယောက်ရှိပါသည်။ ထိုကောင်မလေးအား propose လုပ်ထားသောသူတစ်ယောက်ရှိပါသည်။ တစ်နေ့ ဘေးချင်ယှဉ်သုံးနေခိုက် ထိုကောင်မလေးအား ကောင်လေးမှ ဂျီတော့ခေါ်၍စကားပြောနေသည်ကို တွေ့ရပါသည်။ ကိုဇေသုံး၍ ပီးပီဖြစ်သဖြင့် ဘာတွေပြောနေလည်း ဆိုပီး MIC တစ်ဖက်ယူ၍ စပ်စုပါသည်။ ဘယ်လိုမှမမျှော်လင့်ထားသောစကားတစ်ခွန်းကြားခဲ့ရပါသည်။ "!@#$%^& မင်းစောက်ကောင်မက အရေးကြီးလား ပွဲကအရေးကြီးလား !@#$%^&*' မိုက်မိုက်ရိုင်းရိုင်းကိုဆဲဆိုပြောခြင်းဖြစ်ပါသည်။ ထိုကောင်လေးသည်ကောင်မလေးအားခန ဆိုပီး ဂျီတော့ချသွားပါသည်။ ကိုဇေသည် ကောင်မလေဂျီတော့မှနေ၍ ထိုသကောင့်သားထံ စာတစ်ကြောင်းရိုက်ခဲ့ပါသည်။ ဒိုတာမဖြတ်မချင်းငါကိုဘာမှလာမပြောနဲ့ ဆှို၍ block ခဲ့ပါသည်။ တစ်ကယ်ဆိုမိမိ ချစ်ခွင့်ပန်ထားသော မိန်းကလေးကို ထိုထက်ပို၍လေးစားသင့်ပါသည်။ ထိုသကောင့်သား သာအနားရှိပါက စောက်ခွက်ကို ၄ ၅ ချက်ဆင့်ရိုက်မိမည်လားမပြောတတ်ပါ။

အထက်ပါဖြစ်ရပ်များအပြင် ကိုဇေစိတ်ကသိကအောက်ဖြစ်ရသောကိစ္စလည်း များစွာရှိပါသည်။ ကိုဇေအ၇မ်းခင်သော သူငယ်ချင်းများ ညီလေးများလည်းရှိပါသည်. ဘာမှမပြောပါ။ သို့သော်ကိုဇေအားလည်း ဒိုတာနဲ့ပါတ်သတ်၍ ဘာမှလာမပြောပါနဲ့။ ကိုဇေညီမလေးများအားလည်း လာ၍မစည်းရုံးပါနှုင့်။ ကိုဇေညီမလေးများအားပြောဆိုသော ကိစ္စများတွင်ဘာမှဝင်၍ မစွက်ဖက်ပါနှင့်။ ကိုဇေချစ်သောညီမလေးများ ဒိုသာသမားများကြောင့်မျက်ရည်ကျမည်ကိုမမြင်ချင်ပါ။ ကြိုတင်၍ကာကွယ်ထားပါသည်။ ဒိုတာဆော့မည် ဆိုလျှင်ညီမလေးများကို လာ၍မပါတ်သတ်ပါနဲ့။ (စည်းနဲ့ကမ်းနဲ့ဆော့သောသူ အချို့ကိုမဆိုလိုပါ၊) ကိုဇေညီမလေးများအား နေ့မှန်းညမှန်းမသိ၊ အချိန်မလေးစားသော ဒိုတာသမားများနှင့်လုံးဝသဘောမတူုပါ။ မဆိုင်သူများဘာမှတ်ချက်မှလာမပေးပါနှင့်.။ ညီမလေးများ နှင့် ညီလေးအချို့အားပြောပြနေခြင်းဖြစ်ပါသည်။ ကိုဇေကို ဒိုတာအကြောင်းဘာမှလာမပြောပါနှင့်။ ကိုဇေ ဒိုတာအရမ်းမုန်းပါသည်။

ကိုဇေ
July 20, 2010

(အဲဒီတုန်းက တော်တော်ပေါက်ကွဲပြီး Facebook မှာ ရေးဖြစ်သွားတာ... ခုမှ သတိတရ ပြန်တင်လိုက်တာ.. ကွန့်မန့်တွေပါ ဖတ်ချင်ရင် ဒီမှာကလစ် )

အခါးကြိုက်သူ

ဘဝဆိုတဲ့ ကော်ဖီဆိုင်ထဲဝင်ထိုင်ရင်း Espresso တစ်ခွက်မှာလိုက်တယ်။ Espresso အငွေ့တစ်ထောင်းထောင်းတစ်ခွက်နဲ့အတူ သကြားတစ်ခွက်ပါ လာချပေးသွားတယ်။  ကော်ဖီကို တစ်ငုံလောက် မြည်းစမ်းလိုက်တယ်။ အား... ခါးလိုက်တာ။ ဒါနဲ့ပဲ သကြားတစ်ဇွန်း ရောစပ်လိုက်တယ်။ ခါးနေတုန်းပါပဲလား။ ဒီလိုနဲ့ နောက်ထပ်တစ်ဇွန်း။ ဒါလည်း ခါးဆဲပဲ။ ကဲခါးတာကတော့ခါးတာပေါ့လေ။ သကြားတစ်ဇွန်းထဲ့လိုက် တစ်ငုံလောက်ငုံလိုက်နဲ့ပဲ ကော်ဖီကတော့ ကုန်သွားပြီ။ အချိန်တန်တော့ ပိုက်ဆံရှင်းပြီး ထထွက်ခဲ့တယ်။ ဒါပေမဲ့ သကြားကို တစ်ဇွန်းလေးတောင် ကော်ပြီးမစားခဲ့ဘူး။ ကျန်ခဲ့တဲ့ကိုသကြားခင်ဗျာ မျက်နှာငယ်လေးနဲ့...။ Mr. Espresso ရဲ့ဂုဏ်သိက္ခာကို မလွန်ဆန်နိုင်ဘဲ သူ့ရဲ့ချိုခြင်းဆိုတဲ့ ဂုန်သိက္ခာပျောက်ဆုံးသွားခဲ့ရတယ်လေ။ Sorry ပါကိုသကြားရယ်လို့ တောင်းပန်သင့်ပေမဲ့ တစ်ကယ်တန်းတော့ သတိမရခဲ့ပါဘူး။ ဒီကြားထဲ ခံတွင်းကချဉ်လာတာနဲ့ပဲ စီးကရက်တစ်လိပ်မီးညှိပြီး ဖွာရှိုက်လိုက်သေးတယ်။ 

တစ် ကယ် တော့ ကိုယ် တွေ ကို က အ ခါး ကြိုက် နေ ခဲ့ တာ လေ ...။

ကိုဇေ

September 11,2013 (Wednesday) 2:05AM

ကဆုန်လပြည့် ဒိုင်ယာရီ

စာရိုက်ရတာပျင်းလို့ မူရင်းကို scan ဖတ်၍ တင်လိုက်သည်။ 

မပိတောက်သို့

မပိတောက်ရယ်.... ခင်ဗျားလည်းခုနောက်ပိုင်း သိပ်ပြီး သစ္စာမရှိတော့သလိုပဲနော် . . . နွေရာသီ မိုးရွာတိုင်း ပွင့်နေတော့တာပဲ... မုန်တိုင်းဝင်လို့ ရွာတဲ့မိုးတောင် မရှောင်တော့ဘူးနော်... တစ်ကယ်တန်းက ခင်ဗျားက ကိုယ့်ဘဝကိုယ်မေ့နေတာ.. ခင်ဗျားက တစ်ကယ်တော့ အရောင်လည်း ရှိတာမဟုတ်ပါဘူး... အဆင်းလည်းရှိတာမဟုတ်ပါဘူး... နံနက်ပွင့်ပြီး ညနေအထိတောင် လန်းဆန်းနိုင်တာ မဟုတ်ပါဘူး... ခင်ဗျားကို လူတွေက ရှားပါးတဲ့ပန်း၊ အမြဲမပွင့်တဲ့ပန်းဆိုပြီး ထူးထူးဆန်းဆန်းဖြစ်နေလို့ သဘောကျနေတာပါ.. ခင်ဗျားက မနှင်းဆီလောက်လည်း မထည်ဝါဘူး... မစံပယ်လောက်လည်း မအေးချမ်းဘူး... အကြွေပန်းဖြစ်တဲ့ မခရေလောက်တောင် တန်ဖိုးထားခံရတာ မဟုတ်ပါဘူး... ခင်ဗျားမိုးရွာလို့ တစ်ခါပွင့်တိုင်း ခင်ဗျားမိခင် ပိတောက်ပင်ကြီးဟာ ခင်ဗျားကို လူတွေရဲ့ခင်ဗျားကို တက်မက်မှုကြောင့်  ရိုက်ပုတ်မှုတွေ  ကန်ကျောက်မှုတွေကိုခံရပြီး ခင်ဗျားပွင့်လိုက်တဲ့နေ့ဆို ဒဏ်ရာတွေနဲ့ ကျန်ခဲ့ရတယ်လေ... ခင်ဗျားလူ့သဘောကို ဒီထက်ပိုပြီးနားလည်သင့်ပြီဗျာ.. ခင်ဗျားသာ တစ်ဆယ့်နှစ်လလုံးလုံးပွင့်ကြည့်ပါလား ခင်ဗျားကို လူတွေဘယ်လိုဆက်ဆံကြမလည်း ဆိုတာကိုပေါ့ ... ခင်ဗျားနဲ့ဆင်တဲ့ မငုဝါကို ကြည့်ကြည့်ပါလားဗျာ.... သူ့ကိုဘယ်သူက ခင်ဗျားလောက် အရေးတစ်ယူလုပ်လို့လည်း... ခင်ဗျားဆိုတာ ကျွန်တော် မမွေးခင် နှစ်ပေါင်းများစွာကတည်းက ဖြစ်တည်လာတာဆိုတော့ အဲလိုပြောရတာ အားတော့နာပါတယ်ဗျာ… ဒါပေမဲ့ ခင်ဗျား လူ့သဘောသဘာဝအကြောင်းနဲ့ ဘယ်လိုနေထိုင်ရမလည်း ဆိုတာကိုတော့ ဒီထက်ပိုပြီး သင်ယူရဦးမယ်…. မာယာများလှတဲ့ လူတွေနေတဲ့အရပ်မှာ ခင်ဗျား အမြဲအဆင်ပြေနိုင်ပါစေလို့ ဆုတောင်းလိုက်ပါတယ်ဗျာ …

ကိုဇေ
May, 6 2013 (10:50 PM)

FB Source : http://www.facebook.com/zey.outsider/posts/10151403280152116

သင်္ကြန်ကာလတွင် . . .

သင်္ကြန်ကာလတွင် . . . 

♥ ရည်းစားလိုချင်သောသူများ မဏ္ဍပ်ထိုင်၏ . . . 

♠ ပွေချင်ရှု့ပ်ချင်သောသူများ လျှောက်လည်၏ . . . 

♣ ကုတ်ကမြင်းများ ရိပ်သာဝင်၏ . . . 

♦ အိမ်ကိုကြောက်သောသူများ ဘုန်းကြီးဝတ်၏ . . . 

☼ အပျော်မက်သူများ ခရီးထွက်ကြ၏ . . .

♪ ရည်းစားရှိ၍ အိမ်မပိုင်သူများ အိမ်တွင်နေ၍ အွန်လိုင်းဝင်၏ . . .

► ရည်းစားမရှိ Single ဘ၀ သာယာသူများကား တစ်နေရာရာတွင် အရက်စုသောက်၏ . . .