သူ၏မူလသဏ္ဍန်ကား
အရည်ဖြစ်သည်။
သူသည်
၇၈.၅ ဒီဂရီစင်တီဂရိတ်တွင် အငွေ့ပျံ၍
သူသည် အနှုတ် ၁၁၄ဒီဂရီစင်တီဂရိတ်တွင် အေးခဲသည်။
သူ၏
ဂုဏ်သတ္တိကား မူးခြင်းဖြစ်သည်။
သူ့ကို
အချိုဓာတ်ပါသော အသီးအနှံများမှ ဓာတ်ပြောင်းလဲကာ ချက်လုပ်သည်။
သူ၏
ဓာတုဗေဒအမည်ကား စီတူးအိတ်ခ်ျဖိုက်အိုအိတ်ခ်ျ ဟုခေါ်သည်။
အင်္ဂလိပ်လို
အယ်လ်ကိုဟော ဟုခေါ်သည်။
ရယ်ဒီဖိုင်းစပရစ်
ဟုလည်းခေါ်သေးသည်။
မြန်မာလိုကား
အရက်ဟုခေါ်တွင်လေသည်။
သူ့တွင် ဝီစကီဟူသော
အမည်ခွဲရှိသည်။
သူ့တွင် ရမ်ဟူသော
အမည်ခွဲရှိသည်။
သူ့တွင် ဂျင်ဟူသော
အမည်ခွဲရှိသည်။
သူ့တွင် ဗော်လ်ကာဟူသော
အမည်ခွဲရှိသည်။
သူ့တွင် တက်ကနီလာဟူသော
အမည်ခွဲရှိသည်။
သူ့တွင် ဘီယာဟူသော
အမည်ခွဲရှိသည်။
သူ့တွင် ဘီအီးဟူသော
အမည်ခွဲရှိသည်။
သူ့တွင်….…………………….
အခြားအခြားသော အမည်ခွဲများစွာ ရှိသည်။
သူ့ကိုမသုံးစွဲရန်အတွက်
ဗုဒ္ဓတားမြစ်ထားသည်။
သူ့ကိုမသုံးစွဲရန်အတွက်
သခင်ယေရှုတားမြစ်ထားသည်။
သူ့ကိုမသုံးစွဲရန်အတွက်
မိုဟာမ္မဒ်တားမြစ်ထားသည်။
သူ့ကိုအချို့သည်
ဆေးဝါးအဖြစ် မှီဝဲ၏။
သူ့ကိုအချို့သည်
ပင်ပန်းသဖြင့် မှီဝဲ၏။
သူ့ကိုအချို့သည်
အပေါင်းအသင်းဝင်ဆံ့သဖြင့် မှီဝဲ၏။
သူ့ကိုအချို့သည်
အသဲကွဲခြင်းကို ဗန်းပြကာ မှီဝဲ၏။
သူ့ကိုအချို့သည်
ရဲဆေးတင်လို၍ မှီဝဲ၏။
သူ့ကိုအချို့သည်
ပျော်ချင်၍ မှီဝဲ၏။
သူ့ကိုအချို့သည်
စိတ်ညစ်၍ မှီဝဲ၏။
သူ့ကိုအချို့သည်
အတွေးကွန့်မြူးသဖြင့် မှီဝဲ၏။
သူ့ကိုအချို့သည်
ဘိန်းဖြတ်ထားသဖြင့် မှီဝဲ၏။
သူ့ကိုအချို့သည်
စကားပြောကောင်းသဖြင့် မှီဝဲ၏။
သူ့ကိုအချို့သည်
ကြိုက်သဖြင့် မှီဝဲ၏။
သူ့ကြောင့်
သုံးစွဲသူများ ငွေကြေးကုန်ကျ၏။
သူ့ကြောင့်
ထုတ်လုပ်ရောင်းချသူများ အမြတ်အစွန်းများစွာရ၏။
သူ့ကြောင့်
ကျမ်းမာရေးထိခိုက်နိုင်၏။
သူ့ကြောင့်
ဆရာဝန်များ ဝင်ငွေတိုးစေ၏။
သူ့ကြောင့်
အသဲရောဂါ ဖြစ်စေ၏။
သူ့ကြောင့်
ဆေးကုမ္ပဏီများ အမြတ်များစွာရ၏။
သူ့ကြောင့်
စာရိတ္တ ပျက်စီး၏။
သူ့ကြောင့်
ကဗျာကောင်း၊စာကောင်းများ ဖြစ်၏။
သူ့ကြောင့်
ရန်ပွဲများ ဖြစ်၏။
သူ့ကြောင့်
စကားဝိုင်းများ ဖြစ်၏။
သူ့ကို
မကောင်းမှန်းလည်း သိကြသည်။
(မကောင်းသောသူများ
သူ့ကိုအသုံးချပြီး စွပ်စွဲခြင်းလည်း ဖြစ်ကောင်းဖြစ်နိုင်သည်)
သူသည်
တစ်ဖက်တွင်လည်း ယဉ်ကျေးမှုတစ်ရပ် ဖြစ်နေပြန်သည်။
မည်သို့ဆိုစေကာမူ
ကမ္ဘာဆုံးသည့်တိုင်အောင် သူရှိမည် ဖြစ်သည်။
ထို့ကြောင့်
(ကျွန်တော်တို့)
သူ့ကို
သောက်သုံးမှီဝဲခဲ့သည်။
သူ့ကို
သောက်သုံးမှီဝဲဆဲဖြစ်သည်။
သူ့ကို
နောင်တွင်လည်း သောက်သုံးမှီဝဲနေဦးမည်သာ ဖြစ်သည်။ ။
ကိုဇေ
September
13, 2013 (Friday) 1:02AM
