အရင်ဆုံး ကိုယ်စပြောကြည့်ချင်တာက
ချစ်ခြင်းမေတ္တာ အပေါ်ကိုယ့်ရဲ့ အမြင်သက်သက်ကိုပါ။ ကိုယ်က ချစ်ခြင်းမေတ္တာကို သူ့ချည်း
သက်သက်ဖြစ်တည်တယ်လို့ မြင်တယ်။ ချစ်ခြင်းမေတ္တာမှာ ဘာမှပေါင်းစပ်မပါဝင်ဘူး။ ချစ်ခြင်းမေတ္တာဟာ
ချစ်ခြင်းမေတ္တာအတွက် ပဲ ဖြစ်တည်တယ်လို့ ကိုယ်ကတော့ ယူဆတယ်။ ချစ်ခြင်းမေတ္တာမှာ ပိုင်ဆိုင်တာ၊
ရယူတာ၊ ပေးဆပ်တာ၊ စွန့်လွှတ်အနစ်နာခံတာ၊ သ၀န်တိုတာ၊ သဘောထားကြီးတာ…ဘာညာ စတာတွေလည်း မပါဘူး။
လိင်ကိစ္စနဲ့လည်း မပတ်သက်ဘူး။ မိတ်ဆွေ ကိုယ်ပြောတာကို ခင်ဗျားလက်ခံမှာလား။
ကိုယ်တို့တွေဟာ ချစ်ခြင်းမေတ္တာသက်သက်နဲ့
ဘယ်သူ့ကိုမဆို ချစ်လို့ရတယ်။ ကမ္ဘာကြီးတစ်ခုလုံးကို ချစ်လို့ရတယ်။ ယောက်ျားခြင်းလည်း
ချစ်လို့ရတယ်။ မိန်းမခြင်းလည်း ချစ်လို့ရတယ်။ ယောက်ျားနဲ့ မိန်းမတွေလည်း ချစ်လို့ရတယ်။
အမျိုးတော်လည်း ချစ်လို့ရတယ်။ သွေးမတော်သားမစပ်လည်း ချစ်လို့ရတယ်။ ချစ်ခြင်းမေတ္တာမှာ
ဘာမှ မခွဲခြားဘူးလေ။
ကိုယ့်ခေါင်းစဉ်ကိုပြန်ဆက်ရရင်
ကိုယ်တို့တွေက ချစ်ခြင်းမေတ္တာ သက်သက်နဲ့ ရောင့်ရဲမနေချင်ကြဘူးလေ။ ပုံမှန်အတိုင်းဆိုရင်
ဆန့်ကျင်ဘက်လိင်ကို ငြိတွယ်ချင်ကြတယ်။ အာဒံဆီကထုတ်ယူလိုက်တဲ့ နံရိုးတစ်ချောင်းကို ပြန်ရှာသလို၊
ဇုနတ်မင်းကြီး ခွဲခြမ်းခဲ့တဲ့ ကိုယ်တစ်ခြမ်းက အခြားကိုယ်တစ်ခြမ်းကို ပြန်ရှာသလိုမျိုးပေါ့။
အဲဒီမှာ ချစ်ခြင်းမေတ္တာနဲ့ လူသားနှစ်ဦး ပေါင်းစည်းမှုက သွားပြီး ရှုပ်ထွေးကုန်တယ်။
လူသားနှစ်ဦးပေါင်းစည်းမှု
မပါသေးရင် ချစ်ခြင်းတစ်ခုတည်းနဲ့ မတူတာတွေကို မတူတဲ့ အတိုင်းထားလို့ရတယ်လေ။ မတူတာတွေဖယ်ထားပြီး
တူတဲ့ common ground ကိုခိုင်မာအောင် တည်ဆောက်ပြီး ချစ်ခြင်းမေတ္တာကို ပိုခိုင်မြဲအောင်
ကြံစလို့ရတယ်။ ဒါပေမဲ့ လူသားနှစ်ဦးပေါင်းစည်းဖို့အတွက် ဆိုရင်တော့ ချစ်ခြင်းမေတ္တာ
တစ်ခုတည်းနဲ့ မပြည့်စုံတော့ဘူး။ မတူတာတွေကိုလည်း မတူတဲ့ အတိုင်းထားလို့မရတော့ဘူးလေ။
မတူတာတွေကို ညှိယူရတော့မယ်လေ။
လူသားနှစ်ဦးပေါင်းစည်းဖို့ဆိုရင်
ပထမဆုံးလိုလာတာက နားလည်မှုလို့ ကိုယ်ထင်တယ်။ ကိုယ့်ကိုယ်ကိုတောင် ကိုယ့်ဖြစ်တည်မှုမှာ
မကျေနပ်နိုင်တဲ့ လူတွေမှာ သူများဖြစ်တည်မှုကို အလုံးစုံကျေနပ်ဖို့ဆိုတာလည်း ခက်သားပဲ။
အဲဒီမှာ တစ်ယောက်နဲ့ တစ်ယောက် မတူတာတွေရှိလာမယ်။ type ချင်းမတူတာဖြစ်ဖြစ်၊ လူနေထိုင်မှုပုံစံမတူတာဖြစ်ဖြစ်၊
နိုင်ငံရေးခံယူချက်ဖြစ်ဖြစ်၊ ယုံကြည်မှုဖြစ်ဖြစ်၊ နောက်ဆုံးဘာသာမတူတာဖြစ်ဖြစ်ပေါ့။ အချို့ဟာတွေကို
ညှိကြည့်ရမယ်။ နောက်ဆုံး ကိုယ်နဲ့မတူတောင် ကိုယ်လက်ခံပေးနိုင်တာမျိုးဆို နားလည်ပေးရမယ်ပေါ့။
(ကြားထဲ တစ်ခုစဉ်းစားမိတာက အရမ်းတူလွန်းအားကြီးရင်လည်း အဆင်မပြေနိုင်ဘူးဆိုတာပေါ့။
တစ်ယောက်နဲ့ တစ်ယောက် အကုန်တူနေရင်လည်း ကြာတော့ နားလည်မှုဆိုတာ မလိုအပ်လောက်အောင်ဖြစ်ပြီး
ပျင်းစရာများ ဖြစ်သွားမလားလို့၊ ကိုယ့်တွေးကြည့်တာပါ)
ပြီးတော့ ယုံကြည်မှု… ယုံကြည်မှုဆိုတဲ့
နေရာမှာ ပထမဆုံးကိုယ်သဘောပေါက်ထားတာက ကိုယ်ပေါင်းစည်းဖို့ ကြိုးစားတဲ့သူဟာ စက်ရုပ်မဟုတ်ဘူး။
လူသားတစ်ဦးဆိုတာ အရင်သိထားဖို့ပါပဲ။ ကိုယ်ဖြစ်စေချင်သလို၊ ကိုယ့် Control အောက်မှာနေမဲ့
သူမဟုတ်ဘူး။ သူဟာ လူသားတစ်ဦး၊ လူသားလိုတွေးမယ်၊ ခံစားမယ်၊ နာကျင်မယ်၊ ဆိုတာကိုပါပဲ။
အဲဒါကို အရင်ပြောရတာက သ၀န်တိုတယ်ဆိုတဲ့ ကိစ္စကြောင့်ပါ။ အချို့ကပြောကြတယ်။ ချစ်လွန်းလို့
သ၀န်တိုတာပါတဲ့။ အဲဒီသ၀န်တိုမှုဟာ လိုတာထက်ပိုသွားရင် တစ်ဖက်သားအပေါ် မယုံမကြည်ဖြစ်သွားတယ်ဆိုတဲ့
အဓိပ္ပာယ်သက်ရောက်သွားတယ်လေ။ သ၀န်တိုခြင်းအတွက် ရလာဘ်က ကိုယ်လည်း စိတ်ပင်ပန်းတယ်။ တစ်ဖက်သားလည်း
စိတ်အနှောက်အယှက်ဖြစ်တယ်ဆိုတာပါပဲ။ အခြားတစ်ဖက်ကတွေးကြည့်ရင် ခင်ဗျားပေါင်းစည်းဖို့
ကြိုးစားတဲ့သူဟာ ဆန့်ကျင်ဘက် လိင်တွေ ၀ိုင်းဝိုင်းလည်နေတယ်ဆိုစေဦးတော့။ ခင်ဗျားကို
ရွေးထားတယ်လေ။ အဲဒီအတွက် ခင်ဗျားဟာ အားလုံးထက်သာတယ်ဆိုတဲ့အသိဝင်လိုက်ပြီဆိုရင်…။ သူကိုယ့်ကို
ချစ်တယ်ဆိုတာ ယုံကြည်ပေးကြည့်ပါ။ ပြီးတော့ သူယုံကြည်ထားသလိုမျိုး သူ့ကို ချစ်ပြလိုက်ပါ။
သစ္စာ… ဒါလည်းမပါမပြီး..
သစ္စာဆိုတာက ဆိုတေးနဲ့ ဘန်နီဖြိုးရဲ့ သီချင်းသက်သက်တော့ မဟုတ်ဘူး။ ပြီးတော့ သစ္စာဆိုတာ
သင်ပေးမှ တတ်မြောက်တဲ့အရာမဟုတ်သလို ကိုယ်တိုင်သိရှိနားလည်ပြီး စောင့်ထိန်းရမဲ့ ကျင့်ဝတ်။
အနိစ္စဆိုတဲ့ မမြဲခြင်းမှာ သစ္စာဆိုတာ မပါဘူး။ အဲဒီအတွက် သစ္စာမရှိတဲ့သူက မရှိသလိုနေမှာပဲ။
စောင့်တဲ့သူက စောင့်မှာပဲ။ သူသစ္စာမရှိလို့ ကိုယ်ပါ သစ္စာဖောက်မယ်ဆိုတာမျိုးကတော့ အစကတည်းက
ကိုယ်ကိုယ်တိုင်လည်း သစ္စာကိုမစောင့်ထိန်းချင်တဲ့သဘောပါ။
ပြီးတော့ လူသားတွေလေ။ ကာမဂုံအာရုံတွေမှာ
မွေ့လျှော်တတ်တဲ့ လူသားတွေလေ… sex ဆိုတဲ့ လိမ်မှုကိစ္စကိုလည်း မေ့ပစ်ထားလို့မရဘူးလေ။
သူကြည်ဖြူ ကိုယ်ကြည်ဖြူနဲ့ ဒီကိစ္စမှာလည်း ပျော်မွေ့ရပေဦးမပေါ့။ (တစ်ခု ကြားဖြတ်ပြောချင်တာက
ကွန်ဆာဗေးတစ် လူမှုအဖွဲ့အစည်းကြီးက sex ဆိုတဲ့ကိစ္စကြီးကို ရွံစရာ ကိစ္စကြီးလို့မြင်အောင်
ငယ်စဉ်ကတည်းက ရိုက်သွင်းထားချင်ကြတယ်လေ။ ဒါပေမဲ့ ဘယ်ကလေးက ဗိုက်ကိုလက်နဲ့သုံးချပ်သပ်လောက်ရုံနဲ့
ကိုယ်ဝန်ဆောင်ပြီး မွေးခဲ့လို့လည်း။ ပြီးတော့ အပျိုဖြစ်ခြင်း မဖြစ်ခြင်းဆိုပီးလည်း
gender ခွဲခြားချင်ကြသေးတယ်။ လူသားတိုင်း မကင်းနိုင်တဲ့ sex ကို တစ်ကယ်က educated လုပ်သင့်တာပါ)
ပြီးတော့ sex ကိစ္စမှာ ဘယ်သူသာတယ်၊ ဘယ်သူနာတယ်ဆိုတာကို ကိုယ်ကလက်မခံချင်ဘူး။ တစ်ဦးတည်း
မပြီးမြောက်တဲ့ကိစ္စမှာ နှစ်ဦးသဘောတူ ကြည်ဖြူလို့ ဖြစ်ပြီးမှတော့ သာတယ်၊နာတယ်ဆိုတာက
မိန်းမတွေကို ကာကွယ်ပေးတာထက် မိန်းမတွေကို ခွဲခြားဆက်ဆံထားတာလို့မြင်တယ်။
လူသားနှစ်ဦးပေါင်းစည်းချင်းဟာ
တစ်ကယ်တော့ အလွန်အနုပညာဆန်သလို အလွန်လည်း သိမ်မွေ့လှပါတယ်။ ချစ်ခြင်းမေတ္တာတစ်ခုတည်းနဲ့တော့
တည်ဆောက်လို့မရပါဘူး။ အပေါ်ကဆိုခဲ့တာအပြင် အခြားမျှော်လင့်မထားသော၊ မျှော်လင့်ထားသော
အကြောင်းအရာတွေများစွာနဲ့ တိုက်ဆိုင်မှ ပေါင်းစည်း၍ ရမှာပါ။ လူသားနှစ်ဦး အနုပညာဆန်စွာ
ပေါင်းစည်းဖို့အတွက်ဆိုရင် ချစ်ခြင်းမေတ္တာဟာ မပါမဖြစ်ပေမဲ့ တစ်စိတ်တစ်ပိုင်းပါ။
ဒါတွေက ကိုယ့်အမြင်သက်သက်ပါ။ သဘောတူ လက်ခံလို့ရသလို လွတ်လပ်စွာကွဲလွဲလို့လည်း ရပါတယ်။ ဒီစာစုလေးကို ကိုယ်သဘောကျခဲ့တဲ့ quote တစ်ခုနဲ့ အဆုံးသတ်လိုက်ပါတယ်။
ချစ်ခြင်းမေတ္တာနဲ့ လူသားနှစ်ဦးပေါင်းစည်းခြင်းကြား
ခွဲခြားမြင်တတ်ကြပါစေ…
A relationship doesn't need any promises, terms or conditions. It needs just two people, the one who can trust and the one who can understand.
ကိုဇေ
January 27, 2015
(Tuesday)
4:35PM
