လူမှုကွန်ယက်

မဒိန်းကျင့်ခံရတဲ့

သူငယ်မဟာ

သနားညှာတာမှုရလိုက်တော့မှ

အပျိုရည်ပျက်ရှာတယ်။           ။

ကိုဇေ

Monday, August 1, 2016 at 10:44PM

ဒုက္ခပါပဲ… ဖြစ်မလာတဲ့ စိတ်ကူးလေးတွေကို သတိရရင်း ငါ့မှာ ၀မ်းနည်းရတယ်လို့…။

နံနက် ၇နာရီခွဲ မတိုင်ခင် မြည်လာတဲ့ နှိုးစက်သံနဲ့ အိပ်ယာနိုးရတာ ၀မ်းနည်းရ။

Good Mornee ဆိုပြီး ကိုယ့်ဖုန်းဆီ ခုန်ချမလာတဲ့ sms တွေအတွက်လည်း ၀မ်းနည်းရ။

ရှည်လာတဲ့ ကိုယ့်လက်သည်း ကိုယ့်ဖာသာ ညှပ်ပစ်ဖို့ ကြိုးစားတိုင်းလည်း ၀မ်းနည်းရ။

တီရှပ်အဖြူ လေး တွေ မြင်တိုင်းလည်း တီရှပ်အဖြူလေးတစ်ထည်အတွက် ၀မ်းနည်းရ။

ကမ်ပိန်းတီရှပ်လေးတွေ ၀တ်မိတိုင်းလည်း ၀မ်းနည်းရ။

အဂွယ်ရိုးရဲ့ မန်စီးတီး ၃ - ၀ ချဲလ်ဆီးပွဲမှာ သွင်းသွားတဲ့ hat trick ဂိုးအကြောင်းတွေးမိတိုင်းလည်း ၀မ်းနည်းရ။

ပြည်သူ့ရင်ပြင်က ရေပန်းဥယျာဉ် ရဲ့ အလှမှာလည်း ၀မ်းနည်းရ။

မစားခဲ့ရတဲ့ Frozen Yogurt တစ်ခွက် အတွက်လည်း ၀မ်းနည်းရ။

ပီဇာ တစ်ပွဲ အတွက်လည်း ၀မ်းနည်းရ။

ကမ္ဘာအေးစေတီ က ငါးကန်မှာ အစာမျှော်နေတဲ့ ငါးကြီးတွေကြောင့်လည်း ၀မ်းနည်းရ။

မြန်မာဝတ်စုံလေးနဲ့ ကောင်မလေးတစ်ယောက် အကြောင်းလည်း ၀မ်းနည်းရ။

မစုဖြစ်သေးတဲ့ ဘဏ်စာအုပ်လေးအကြောင်းလည်း ၀မ်းနည်းရ။

Handmade postcard လေး မျှော်နေမိရင်းလည်း ၀မ်းနည်းရ။

တစ်ပတ် ၂ ရက်ထက်ပို အရက်သောက်မိရင်လည်း ၀မ်းနည်းရ။

အိပ်ယာဝင်ကာနီး Good Night ဆိုတဲ့ စာတိုလေး ခုန်ဆင်းမလာလို့လည်း ၀မ်းနည်းရ။

ကိုဇေ

20052016 @ 1527

ကျနော် ကြုံခဲ့ဖူးသော ရန်ကုန်ဆေးရုံကြီး

ဝုန်း . . . . ကျွီ . . . .

ကျနော် ပြန်သိလိုက်ရတဲ့ အချိန် ကတ္တရာလမ်းမပေါ် ခွေခွေလေး လဲလို့ . . . ။ အတင်းထရပ်ဖို့ကြိုးစားပေမဲ့ . . . ပုံလျက်သားလေး ပြန်လဲကျသွားတယ်။

နေ့ရက် ။         ။ 3^rd March 1995

အချိန်  ။         ။ 3:30 PM ၀န်းကျင်

နေရာ  ။         ။ ပြည်လမ်းမပေါ် ၊ စိန်ရတုခန်းမရှေ့ . . . ။

          အဲ့ဒီတုန်းက နာနတ်တောလမ်းက မြေနီလမ်းလေး။ ကြံတောင်္သချိုင်းလဲရှိသေး။ လိုင်းပေါက်ကိုဖျက်ပြီး စိန်ရတု ဆောက်ပြီးကာစ။ နွေရာသီ ကျောင်းပိတ်ကာလ။ ၇တန်းဖြေထားတဲ့ ကျနော် ညနေဆို စိန်ရတုထဲသွား  ဘောလုံးကန်နေကြ။ အဲ့ဒီနေ့က ဘောလုံးသွားအကန် ပြည်လမ်းကိုအကူး ဟံသာဝတီကလာတဲ့ ဟိုင်းလပ်တစ်စီးတိုက်တာ ခံလိုက်ရတယ်။ သူငယ်ချင်းက မာမာ ( ကျနော့်အမေ ) ကိုသွားခေါ်တယ်။ တိုက်တဲ့ကားသမားက သူ့ ကားနဲ့ပဲ လှည်းတန်း၊ အေးငြိမ်းသာဆေးခန်းကို လိုက်ပို့တယ်။ ဓာတ်မှန်ရိုက်ကြည့်တော့ ညာဘက်လက်မောင်းအရင်းနဲ့ ပေါင်အရင်း ကျိုးသွားတယ်။ ဆေးခန်းက Police case ဆိုတော့ သူတို့ဘာမှလုပ်ပေးလို့မရဖူး။ ဆေးရုံကြီးသွားပါတဲ့။ ဒါနဲ့ပဲ ဓာတ်မှန်စာရွက်စာတမ်းတွေယူ ရန်ကုန်ပြည်သူ့ဆေးရုံကြီး လာခဲ့တယ်။

          ဆေးရုံကြီးရောက်တော့ ပြင်ပဆေးခန်းက ရိုက်လာတဲ့ ဓာတ်မှန်က တရားမ၀င်ဘူးတဲ့။ ပြန်ရိုက်ရမယ်တဲ့။ ဖြစ်စတုန်းက သွေးပူနေပေမယ့် အဲ့ဒီအချိ်န်မှာ ကျနော် တော်တော် နာနေပြီလေ။ အရေးထဲ ရဲကလည်း ဟိုမေးဒီမေးနဲ့ . . . ။ တော်တော်ကြာကြီး စောင့်ပြီးမှ ပြောင်းလဲစရာ အဖြေမရှိတဲ့ ဓာတ်မှန် ဒုတိယအကြိမ် ထပ်ရိုက်ခွင့် ရခဲ့တယ်။

          လက်မောင်းကို ကျောက်ပတ်တီးစီးရတယ်။ ခြေထောက်က ဂဲဆွဲရုံနဲ့ရတယ်တဲ့ ။ (ကံကောင်းချင်တော့ အရိုးက ကျိုးသွားပေမဲ့ ပုံစံမပျက်ဖူးလေ )

          ကျနော့်ကို အဆောင် ၅/၆ မှာထားတယ်။ ခုတင်နံပါတ် ၁၆ . . . ။ အဲ့ဒီတုန်းက ဆေးရုံကြီး အခြေအနေက တော်တော်ဆိုးတယ်။ တဘီအပြာနဲ့  nurse တွေက သူတို့လုပ်စာ တလောကလုံး ထိုင်စားနေရတဲ့အတိုင်း အလကားနေရင်း လိုက်ဟောက်နေတာ။ လူနာတွေက အပန်းဖြေလာတာမှ မဟုတ်တာ. . . ။ ကျနော် တစ်ခုကံကောင်းချင်တော့ ဆေးရုံအုပ်ကြီးက ကျနော့်ဦးလေးနဲ့ သူငယ်ချင်းရင်းကြီးတွေ ဆေးရုံအုပ်ကြီးကိုယ်တိုင် သူ round လှည့်ချိန် မဟုတ်တောင် ကျနော့်ကို လာလာကြည့်နေတော့ Nurse ထဘီအပြာတွေက ကျနော့်ဆို နဲနဲရှိန်ပြီး ဘာမှသိပ်မပြောရဲဖူး။ ( မှတ်မှတ်ရရ ခြင်ကိုက်လို့ ခြင်ဆေးထွန်းတာကို ထဘီအပြာ Nurseမက ဆရာဝန်ကြီးက ခြင်ဆေးထွန်းတာ မကြိုက်ဖူးလို့ လာပြောတာကို ခြင်ကိုက်လို့ထွန်းတာ ၊ သူကြိုက်ဖို့ ထွန်းတာမဟုတ်ဖူးလို့ ကျနော် ပြန်ပြောတော့ သူဘာမှပြန်မပြောဘဲ ထွက်သွားတယ်။ )   

          ဆေးရုံမှာ မြင်ရ ကြားရတာတွေက စိတ်ချမ်းသာစရာ တစ်ကွက်မှမရှိ။ မှတ်မှတ်ရရ မှတ်မိတာ ဘောလုံးကန်ရင်း ခြေသလုံးရိုး သွင်သွင်ကျိုးသွားတဲ့ ကျနော်နဲ့ရွယ်တူတစ်ယောက်။ ပြီးတော့ မြင်းကန်ခံရလို့ လက်မောင်းရိုးကျိုးပြီး အရှိန်နဲ့ ကျောက်ပြားနဲ့ ခေါင်းနဲ့ ရိုက်မိလို့ ခေါင်းပါကွဲသွားတဲ့ အစ်ကိုတစ်ယောက်။

          ကျနော့်ခုတင် ၁၆ ကအနောက်လှေကားနဲ့ ကပ်လျက်။ အနောက်လှေကားဆိုတာက ဆေးရုံမှာ လူသေတွေထုက်တဲ့ လှေကား . . . ။ ၅/၆ ဆောင်အပေါ်ထပ်က အဆောင် ၁၇/၁၈ . . .  ။ အထွေထွေရောဂါကုဌာန။ ကျိုးတဲ့နေရာကနာတော့ ညဆို အိပ်ဆေးသောက်အိပ်ရတယ်။ သန်းခေါင်ကျော်ရင် အနောက်လှေကားက တဂျိန်းဂျိန်းနဲ့ လှည်းဆွဲချသွားတဲ့ အသံ. . .။ တစ်ညကို သုံးယောက် အနဲဆုံးပဲ။ ကြံတောသင်္ချိုင်းနားနေ၊ သင်္ချိုင်းထဲ ကလေးကတည်းက တူတူပုန်းတမ်း သေနတ်ပစ်တမ်း ဆော့လာတော့ သရဲတွေ ဘာတွေ မကြောက်ပေမယ့် လူတွေအရမ်းသေနေတာ ကြားနေရတော့ လန့်မိတယ်။ အဲ့ဒီ ၁၇/၁၈ အဆောင်ကို စိတ်ဝင်စားသွားမိတယ်။

          ဆေးရုံမှာနေရတာ အစစ အရာရာ အဆင်မပြေဘူး။ အဲ့တုန်းက ဆေးရုံကြီးက အခြေအနေတော်တော်ဆိုးတယ်။ ဒီလိုနဲ့ တစ်ပတ်ကျော်ကျော်လောက်မှာ ဆေးရုံအုပ်ကြီးရယ် အရိုးအထူးကု ဆရာဝန်ကြီးရယ်နဲ့ ညှိပြီး ဆေးရုံကြီးကနေ လက်မှတ်ထိုး ဆင်းခဲ့တယ်။ တစ်ပါတ်တစ်ခါ အရိုးအထူးကုဆရာဝန် ထိုင်တဲ့ဆေးခန်းကို လာပြပေါ့။ ကုန်ကျစရိတ်က တူတူလောက်ပဲ။ စိတ်တော့ သက်သာသွားတာပေါ့။ အနောက်လှေကားက အသံတွေအပါပေါ့။ ဒီလိုနဲ့ ကျနော် နဲ့ ရန်ကုန်ဆေးရုံကြီး ပထမပိုင်းပြီးခဲ့တယ်။

         ( ကျနော့် အမေက ရှေ့နေ ဆိုတော့ ကားသမားကို တရားရုံးအရောက်မခံပဲ ရဲ နဲတင် ညှိပေးလိုက်တယ်။  ခြေထောက်ကို ခဲ ရက်သုံးဆယ်၊ လက်မောင်း ကျောက်ပတ်တီးက ၄၅ ရက်စီးပြီးတဲ့အခါ ကျနော်ပြန်ကောင်းခဲ့တယ်။ ခြေထောက်က ထော့နဲ့ ထော့နဲ့ ပေမဲ့ အဆင်ပြေသွားပါတယ်။ ရီရတာ တစ်ခုက တစ်နှစ်လောက် လမ်းကူးခါနီး ကားဟွန်းသံ ကြားရင် လန့်နေတာ။)

======================

၂၀၀၇- ဇွန်လ . . . ။

          ကျနော့် အိမ်ကပါရမီအိမ်ရာမှာနေတုန်း . . .။ အလုပ်က Grand Royal စက်ရုံ လှည်းကူးမှာ။ နံနက် ၆ ခွဲလောက် ဘုရားလမ်း မှတ်တိုင်ကနေ ၁၃၅ မှော်ဘီကားတွေ တွယ်စီးပြီး ထောက်ကြံ့လမ်းဆုံ အထိ သွား။ ထောက်ကြံ့ကနေ ဖယ်ရီနဲ့ လှည်းကူးသွားတဲ့အချိန်တွေပေါ့။

          အဲ့ဒီလမှာ အသက်ရှူရတာ အဆင်မပြေဘူး။ အသက်ရှူတိုင်း ရင်ဘတ်ထဲကအောင့်တယ်။  ခဏ ခဏ လည်းဖျားတယ်။ အဖျားကမကြီးဘူး။ 100·F 101·F ပတ်ချာလည်ပဲ။ ဒါပေမယ့် ဖျားတိုင်း အသက်ရှူရတာ ခက်လာတယ်။ ဆရာဝန်က အဆုတ်ဓါတ်မှန်ရိုက်ကြည့်ပါတဲ့။ အဲ့ဒါနဲ့ ဓါတ်မှန်ရိုက်ကြည့်ပြီး ဆရာဝန်ကို ပြန်ပြတော့ ဆရာဝန်က ကျနော့်ကို ရောဂါနာမည် တပ်ပေးတယ်။ Pneumothorus တဲ့။ အဆုတ်ထဲ လေ၀င်တာတဲ့။ minor case ဆိုပေမယ့် ဆေးရုံတတ် operation လုပ်ပါတဲ့။

          ဇူလိုင်လ ပထမပတ် တစ်ခုသောစနေနေ့  . . . ။ ကျနော် လည်းအသက်ရှူရတာ အဆင်မပြေတာကလွဲလို့ နေကောင်းနေ။ မာမာ နဲ့ အတူ shopping ထွက်တယ်ပေါ့။ တစ်လက်စတည်း တစ်မိသားစုလုံးအားကိုးရာ ရောဂါရှာဖွေရေးက ဆရာဝန်ကြီး ဦးသန်းဆွေနဲ့ လည်းပြမယ်ပေါ့။ ဆေးရုံကနေရှောင်လွဲချင်လို့ . . . ။

          ကျနော် နဲ့ မာမာ အေးဆေး ဈေးလျှောက်ဝယ် . . . ။ နေ့လည်ကျမှ ဦးသန်းဆွေ ထိုင်တဲ့ မဂိုလမ်း ( ရွှေဘုံသာလမ်း ) က နေဇာ ဆေးခန်းကို ရောက်ခဲ့တယ်။ ဆရာဝန်ကြီးကို ဓါတ်မှန်ပြတော့ သူက ကျန်တာဘာမှမစစ်တော့ဖူး ဆေးရုံကြီး သွားပါတဲ့။ သူပဲ ဆေးစာရေးပေးလိုက်တယ်။

          ဒီလိုနဲ့ ကျနော်တို့ သားအမိ ရန်ကုန်ဆေးရုံကြီး emergency ကို အူလည်လည် ရောက်လာတယ်ပေါ့။ တာဝန်ကျဆရာဝန်ကို ဓာတ်မှန် နဲ့ ဦးသန်းဆွေ ရေးပေးလိုက်တဲ့ ဆေးစာပြတော့ သူက တစ်ခါတည်း တွန်းလှည်းပေါ်တင် လိုအပ်တဲ့ ဆေးတွေဝယ် ။ glucose လား မသိ တန်းချိ်တ်။ ကျနော်က minor case တဲ့။ ကျနော် ခွဲစိတ်ခန်းမ၀င်ခင် လူနာနှစ်ယောက် အရင်ထည့်လိုက်တယ်။

          တစ်ယောက်က သုံးခွဖက်က။ မြွေကိုက်တာတဲ့။ သုံးဆယ်ဝန်းကျင်။ မနေ့ညနေက ကိုက်တာ။ အဲ့ဒါ ညောင်ပင်စောင့်နတ်ကိုင်တယ် ဆိုပြီး နတ်ပြနေလို့ ဆေးရုံအရောက် နောက်ကျနေတယ် ဆိုလား … နောက်တစ်ယောက်က ကောင်မလေး။ အသက်၂၀ ၀န်းကျင်။ ကိုယ်ဝန်ဖျက်ချရင်း သွေးဆိပ်သင့်တယ်ဆိုလား။

          ညနေ ၆ နာရီကျော်တော့ ကျနော် ခွဲစိတ်ခန်းရောက်သွားတယ်။ ခွဲစိတ်ဆရာဝန်က အဆိုတော် ဖြူဖြူကျော်သိန်း အစ်မ။ ဒေါက်တာ ညိုညိုသိန်း ။ မေ့ဆေးမလိုဘဲ ထုံဆေးနဲ့ပဲ ခွဲဖြစ်။ ပက်လက်လှန်ထားတဲ့အချိန်မှာ အပေါ်ယံခွဲတာက ပုရွက်ဆိတ်ကိုက်သလောက်ပဲ။ ဒါပေမယ့်နံရိုးကြားကို ( သူတို့ဘာနဲ့ခွဲလဲမသိ ) တော်တော်နာ။ ခွဲပြီးတော့ ပိုက်နဲ့ ဗူးတစ်ဗူးက တွဲလောင်း။

          ပြီးတော့ ကျနော့် ကို အဆောင် ၁၇/၁၈ ကိုပို့လိုက်တယ်။ ကုတင်မရသေး။ လူနာတွေ ပြည့်နေလို့။ ဟိုးထိပ်ဆုံးမှာ တွန်းလှည်းနဲ့ပဲထားတာ။ ဖြစ်ချင်တော့ သားအမိနှစ်ယောက် shopping ထွက်တာလေ။ ဆေးရုံတတ်ဖို့ ပြင်ဆင်လာတာ မရှိဖူး။ ပါသမျှ ပိုက်ဆံက ခွဲစိတ်ခန်းဝင်တာနဲ့ ကုန်သွားပြီ။ မာမာက ခွဲစိတ်ခန်း မ၀င်ခင် PCO ဖုန်းကနေ ကျနော့် သူငယ်ချင်း၂ ယောက်ဆီ ဖုန်းဆက်ခေါ်ပြီးသား။ ကျနော်က ၁၇/၁၈ ဆောင် ရောက်တာနဲ့အိမ်ပြန် ပိုက်ဆံယူမယ်ဆို မာမာကပြန်သွားတယ်။ သူငယ်ချင်းတွေကလည်း ရောက်မလာသေး။ တစ်ယောက်တည်း ကျန်ခဲ့ချိန် ထုံဆေးက ပြယ်သွား။ ပထမ ကျောထဲက ယားလာတယ်။ ဘယ်ဘက်မှ လှည့်မရ။ ပြီးတော့ ခွဲထားတဲ့နေရာက နာလာတယ်။ တစ်လက်စတည်း ကျနော့် ရှေ့က ခွဲစိတ်ခန်းဝင်သွားတဲ့ မြွေကိုက်ခံရတဲ့တစ်ယောက်နဲ့ ကိုယ်ဝန်ဖျက်ချတဲ့တစ်ယောက် ရှေ့ဆင့်နောက်ဆင့်ပဲ သေသွားတယ်ဆိုတာ ကြားမိတယ်။ နာရီဝက်လောက်ဟာ ကမ္ဘာပျက်သလိုပဲ။ ဘယ်သူမှ ကျနော့ကို ရှိတယ်လို့ မထင် ၊ ဂရုမစိုက် ပစ်ထားခဲ့ချိန်တွေ။

          မာမာထွက်သွားပြီး နာရီဝက်လောက်ကြာတော့ ဘွားလေး ဆိုတဲ့ သူငယ်ချင်း ရောက်လာတယ်။ သူအနားရှိလာတော့ အားရှိတာပေါ့။ နောက် နှစ်နာရီလောက်နေမှ မာမာကရောက်လာတယ်။ ကုတင်လည်း ရတယ်ပေါ့။ ည ၁၀ နာရီကျော်ပြီထင် ။

          အဲ့ဒီညကတော့ အိပ်ဆေးနဲ့ အိပ်ပျော်သွားခဲ့။ ဘွားလေးနဲ့ မာမာ ဘယ်လိုအိပ်သည်မသိ။

          နောက်နေ့ နံနက် နိူးတော့ ward ထဲမှာ လူတော်တော်များမှန်သိ။ ပိုက်ဆံမတတ်နိုင်သူတွေက ၀ရန်တာမှာရောပဲ။ စစခြင်း အနိတ္တာရုံက တရုတ်ကြီးတစ်ယောက်။ ပုဂ္ဂလိကဆေးခန်းက ဆေးရုံကြီးသွားပါဆိုလို့ ရောက်လာတာ။ ward ထဲရောက်ရုံရှိ ဆရာဝန်က စမ်းတော့ အသက်မရှိ။ သူ့မိသားစုတွေက ဆရာဝန်ကို သေချာစမ်းပါ ဆိုပြီး ပြသနာတောင် ၀ိုင်းရှာသေး။ ဆရာဝန်က နှလုံးနှိုးစက်တွေဘာတွေနဲ့ ကြိုးစားပေး။ နောက်ဆုံး ခေါင်းရမ်းလှည့်သွား . . . ။ အ၀တ်ဖြူနဲ့အုပ် အနောက်လှေကားက တွန်းချသွား  . . . ။ ငိုသံတွေ ပွက်လောရိုက်။

          ဟောတဖြုတ် ဟောတဖြုတ် နဲ့ သေကြတာ . . . ။ ၁၇/၁၈ ကအထွေထွေ။ အများစုက နှလုံးရောဂါ နောက်ဆုံးအဆင့်တွေ။ နေ့မြင်ညပျောက်။

          ၁၇/၁၈ မှာ အထူးခန်း ၂ ခန်းရှိ။ ဆေးရုံတတ်ပြီး တစ်ပါတ်လောက်အကြာ တစ်ခန်း ရလိုက်တယ်။ တစ်နေ့ကို ၃၀၀၀ လားမသိ ပေးရတယ် ( ၂၀၀၀ သို့ ၃၀၀၀ အဲ့ထက်မများ )။ နဲနဲတော့ မြင်ရ ကြားရ သက်သာတာပေါ့။

          ကျနော့်ကို မာမာ၊ ဒက်ဒက်၊ ဖိုးငယ် (ကျနော့်ညီ)၊ ဘွားလေး၊ အုပ်စိုး တို့ပဲ တစ်ည နှစ်ယောက်နှုန်းနဲ့ အလှည့်ကျစောင့်တယ်။ ကျနော် နေ့ခင်းဘက်တွေဖြစ်ဖြစ် ward ထဲ အဆုတ်က ပိုက်တန်းလန်းနဲ့ လျှောက်သွားတယ်။ အစ်ကိုကြီးတစ်ယောက်နဲ့ (အရင်က ခုတင်ခြင်းကပ်ရပ်) နဲ့က ခင်တယ်။ သူကဆေးရုံတတ်နေတာ ၁ လ ကျော်ပြီ။ နှလုံးရောဂါတဲ့။ ပန်ကာတောင် ပါသေး။ တစ်နံနက် သူ့ကို မတွေ့လို့ မေးကြည့်တော့ ညသန်းခေါင်က ဆုံးသွားတယ်တဲ့။ Shock . . . . . . . . . . . . . .

          ကျနော်လဲ တစ်ရက် သေခြင်းနဲ့ ကြုံလိုက်ရသေး။ အဲဒီိည မာမာတစ်ယောက်ပဲ စောင့်တယ်။ အိပ်ပျော်နေတုန်း အသက်ရှူမရဖြစ်သွား . . . အလန့်တကြားဖြစ်သွား . . . ။ ခန္ဓာကိုယ်က သေရမှာ ငြင်းဆန်တယ်။ ညဘက်က လက်ထောက်ဆရာဝန်ရယ် ၊ house ဆင်းတဲ့ ဆရာဝန်လောင်း ၂ ယောက်ရယ်။ nurse တွေရယ်ပဲ ရှိတာ။ အားလုံး ကျနော့်ဆီ အလန့်တကြား ပြေးလာ . . . ။ oxygen ပေးတယ်။ တော်တော် ဆိုးရွားတဲ့ အချိန်တိုလေးပေါ့။ လက်ထောက်ဆရာဝန်က ဓာတ်မှန်သွားရိုက်ဖို့ပြောတယ်။ ကျနော်၊ မာမာ၊ ကျနော့်ကို လှည်းတွန်းပေးတဲ့တစ်ယောက် သုံးယောက်တည်း . . . မမေ့နိုင်စရာ အချိန်တွေ။ ခုမှ ခဏဆိုပေမဲ့ အဲ့ဒီအချိန်တွေက သိပ်ကိုကြာခဲ့ပါတယ်။

          ဓာတ်မှန် result အရ ပိုက်လဲ ok . . . ကျန်တာဘာမှမဖြစ်။ အဲ့ဒီည အိပ်မပျော်ခဲ့ဖူး။

          ပျော်စရာတွေးကြည့်ရင် House ဆင်းတဲ့ ဆရာဝန်လောင်းလေးတွေက ညီနဲ့ရွယ်တူ။  85 born, 2001 batch တွေလေ။ ညီ သူငယ်ချင်းတစ်ယောက်တောင် ward ချင်းမတူတောင် သူ့ duty ပြီးရင် ကျနော့် လာကြည့်တယ်။ ပြောချင်တာက ဆရာဝန်မလောင်းတွေကို စနောက်။ တစ်ယောက်နဲ့တောင် အီလိုက်မိသေးတယ်။

          မှတိမိတာတစ်ခုက ကျနော့် အခန်းဝက ကုတင်မှာ ဟိန္ဒူအဖိုးကြီးတစ်ယောက်။ မောတယ် ၃ခါပဲအော်သွားနိုင်တယ်။ ဆရာဝန်ရောက်တော့ အသက်မရှိတော့။ ၅/၆ မှာ နေတုန်းကအကြောင်း သတိရသေး။

          ဆေးရုံတတ်ပြီး နှစ်ပတ်ကျော် သုံးပတ်အတွင်း ကြာတော့ အဆုတ်ကပိုက်ဖြုရတယ်။ ဒါပေမယ့် inflection ၀င်လာလို့ ဆေးတစ်နေ့ နှစ်ခါသွင်းရမယ်တဲ့။ လက်ဖျံမှာ cannula တန်းလန်းနဲ့ပေါ့။ ဒီလိုနဲ့ ဆေးရုံမှာ ဆက်နေဖြစ်။ အဲ့ဒီအချိန်တွေက ပျော်ပွဲစားထွက်တဲ့အချိန်တွေပေါ့။

          အဆုတ်ကပိုက်ဖြုတ်တော့ မာမာနဲ့ဒက်ဒက်ကို ညမအိပ်နဲ့လို့မှာပြီး ဖိုးငယ်၊ ဘွားလေး၊ အုပ်စိုးတို့ပဲ တစ်ယောက်သို့နှစ်ယောက်လာစောင့်တယ်။ဘွားလေးလာရင်ည၉နာရီကျော်မှ။ ဂျာကင်အမြဲဝတ်လာတယ်။ ဘွားလေးဂျာကင်ထဲမှာ စည်ဘီယာကို ရေသန့်ဗူးနဲ့ထည့်လာတာ သုံးဗူးသို့လေးဗူး။ ညသောက်ရမယ့်ဆေးကို ဘီယာနဲ့သောက်တာပေါ့။

          ကျနော်ဆေးရုံတတ်နေတုန်း ရုပ်ရှင်မင်းသားဒွေးသေတယ်။ 2007 July တဲ့။ ရက်မမှတ်မိ ။ Copa America final မှာ Brazil က Argentina ကို 4 – 0 နဲ့ နိုင် ဗိုလ်စွဲတယ်။

          ဆေးရုံမှာအပျင်းပြေစရာက ညနေဆိုစာအုပ်ငှားတဲ့သူ ဆွဲခြင်းနဲ့ရောက်လာတာပဲ။ ကာတွန်းတွေများပါတယ်။ ဒီနေ့ငှား နောက်နေ့ပြန်သိမ်းတယ်။ နောက်တစ်ခုက နံနက်ရောက်လာတဲ့ ဂျာနယ်ရောင်းသမား။

          အစားဖြစ်ဆုံက ၁၉ လမ်းထိပ်က ဖက်ထုပ်ပေါင်း။ ညီတော်မောင် အမြဲဝယ်ပေးနေကျ။ ကျနော်လဲကြိုက်တယ်။

          ကျနော်ကလည်း ငပွေး။ တစ်ညနေ ဘွားလေးလာတော့ သူ့ဂျာကင် ယူဝတ်၊ သူ့ကိုအခန်းထဲ ထားခဲ့။ ၁၄ လမ်းထိပ်က အင်တာနက်ဆိုင်မှာ အင်တာနက်သွားသုံးလိုက်သေး။ (အဲ့တုန်းက facebook မသုံးသေး) gtalk မှာ at Yangon General Hospital ဆိုပြီး Status တင်တော့ online friend တွေ ဆေးရုံမှာ ဘယ်လို အင်တာနက်သုံးလည်း ၀ိုင်းမေးသေး။ ၁၃ လမ်းအဆောင်နေတဲ့ သူငယ်ချင်းမတောင် online တွေ့ သူ ကျနော့်ဆီရောက်လာ လက်ဖက်ရည်ဆိုင်ထိုင်လိုက်သေး။

          သူငယ်ချင်းတော်တော်များများ ရောက်လာပါတယ်။ ရှေ့တစ်ယောက်ယူလာတဲ့ မုန့်၊ အအေးကို နောက်တစ်ယောက် ဧည်ခံပေါ့။ အီစီကလီ ဆရာဝန်မလေးလဲကျွေးပေါ့။

          ဆရာဝန်က အဲ့ဒီကတည်းက ဆေးလိပ်ပါဖြတ်ခိုင်းတယ်။ အချစ်ဆိုတာဘာမှန်းမသိခင် ၆ တန်းကတည်း ချစ်သူလေ ဘယ်ထားနိုင်မှာလဲ။ ဆေးရုံမှာ ဆေးလိပ်ခိုးသောက်ခဲ့တယ်။

          ဒီလိုနဲ့ August လဆန်း ဆေးရုံမှာ ၂၈ ရက်နေအပြီး ဆေးရုံက ဆင်းခဲ့ရတယ်။ Good Bye Ward 17/18 . . . . ။

          နောက်ပိုင်း ၂ပတ်တစ်ကြိမ် ပြင်ပလူနာ ဌာနမှာ လာပြရတယ်။ ၄ခါ ၅ခါ လောက်  . . . . ။

          ဆေးရုံတတ်ခဲ့တာ ၁၀ သိန်းဝန်းကျင် ကုန်ခဲ့တယ်။

======================

ပြီးခဲ့တာတွေက memory recall လုပ်ချိန် တစ်ကွက်ချင်းပြန်ပေါ်လာ . . . . ။ ဘာပဲဖြစ်ဖြစ် ဆေးရုံတော့ နောက်တစ်ခေါက်မရောက်ချင်တော့ . . . ။ ဆေးရုံဆိုတာ နေလို့ကောင်းတဲ့ နေရာတစ်ခုတော့ မဟုတ်ဖူး။               ။

ကိုဇေ

April 16, 2016 (Friday)

3:30 AM

သမ္မတ

ခနခန မှားခဲ့တဲ့ စာလုံးပေါင်း

၉ ကြိမ်မြောက်မှ

မှန်အောင် ပေါင်းနိုင်တယ်။

ကိုဇေ

၁၅၀၃၂၀၁၆၊ ၁၃၄၄

ကျနော် ခြောက်တန်း တုန်းက…

ကျနော် ခြောက်တန်းတုန်းက အ.ထ.က (၁) ဒဂုံကိုပြောင်းတယ်။ ၁၉၉၃ ခုနှစ်။ အဲဒီတုန်းက ကျနော်နေတာက ၀ဂ္ဂီရိပ်သာ (ခုပြည်ရိပ်မွန်အိမ်ရာ A ဆိုက်) မှာ။ ကျောင်းက မြို့ထဲဆိုတော့ ဖယ်ရီနဲ့ သွားရတယ်။ ဖယ်ရီက ဂျပန်ခေတ်က သစ်သားဘတ်စ်ကားကြီး။ ဖယ်ရီစီးရင် နောက်ဆုံးပေါက်ကနေ ထိုင်စီးတယ်။

ကျနော် ခြောက်တန်းတုန်းက ကျောင်းချိန်က နေ့လည် ၁၂ ကနေ ညနေ ၅ နာရီအထိ။ ညနေပိုင်းအတန်းမှာ ၆ တန်းက အကြီးဆုံး။ ကျနော် ဘောင်းဘီတိုပဲ ၀တ်ဖြစ်တာများတယ်။ ကျနော်တို့ ကျောင်းမှာက ညနေပိုင်းကို ဘောင်းဘီ၊ ဂါဝန်ဝတ်လို့ရတယ်။ နံနက်ပိုင်းအတန်းကျမှ ပုဆိုး၊ထဘီ ၀တ်ရတယ်။

ကျနော် ခြောက်တန်းတုန်းက ပုဆိုးလုံးဝ မ၀တ်တတ်သေးဘူး။ ဖယ်ရီက ၀ဂ္ဂီရိပ်သာလမ်းထိပ်ကို နံနက် ၁၁ လောက်လာခေါ်တယ်။ ကျောင်းမသွားခင် ထမင်းစားသွားတတ်တယ်။ နေ့လည် မုန့်စားကျောင်းဆင်းချိန်က နေ့လည် ၂နာရီ ၁၅ မိနစ်။ ထမင်းဘူးထည့်လေ့ ထည့်ထ မရှိဘူး။ ကျောင်းဆင်းလို့ အိမ်ပြန်ရောက်ရင် ၅ ခွဲကျော်ကျော်လောက်။ ကျောင်းက စနေ၊ တနင်္ဂနွေ၊ ၀ါတွင်းဆို ဥပုသ်၊ တနင်္ဂနွေ ပိတ်တယ်။

ကျနော် ခြောက်တန်းတုန်းက မုန့်ဖိုး ၁၀ ကျပ်ရတယ်။ မာမာ ကကျနော့်ကို မုန့်ဖိုးကို တစ်ပါတ်စာပေါင်းပေးတယ်။ ကျောင်းဖွင့်ရက်၅ ရက်အတွက် ငါးဆယ်နဲ့ ပိတ်ရက်အတွက် တစ်ရက် ၅ ကျပ် နှစ်ရက်စာ တစ်ဆယ်၊ စုစုပေါင်း ခြောက်ဆယ်။ များသောအားဖြင့် တစ်ဆယ်တန် ခြောက်ရွက် သို့ တစ်ဆယ့်ငါးကျပ်တန် ၄ ရွက်ပေးတတ်တယ်။ ကျနော် မုန့်စားဆင်းချိန်ဆို Mirinda တစ်ပုလင်းပုံမှန်သောက်တယ်။

ကျနော် ခြောက်တန်းတုန်းက J ခန်းမှာတက်ရတယ်။ ကျောင်းသားသစ်ဆိုရင် နောက်ဆုံးအခန်းကို ပို့တယ်လေ။ အခန်းရဲ့ တစ်ဝက်ကျော်ကျော်လောက်က ကျောင်းသားသစ်တွေများတယ်။ ကျနော် အဆင့် ၁ ကနေ ၃ အတွင်း အမြဲဝင်တယ်။ တစ်ခါတစ်ခါ ဗရုတ်ကျတာလေး ရှိပေမဲ့ စာဆိုအမြဲရတော့ ဆရာမတွေက ချစ်တယ်။

ကျနော် ခြောက်တန်းတုန်းက အချစ်ဆုံးသူငယ်ချင်းက တင်အောင်ဇော်။ သူနဲ့ ကျနော် တစ်ခန်းတည်း၊ ကျောင်းကားလည်း စီးဖော်စီးဖက်၊ သူကလည်း လှည်းတန်းမှာနေတာဆိုတော့ ဆော့ဖော်ဆော့ဖက်လည်း ဖြစ်ခဲ့တာပေါ့။ (သူ နဲ့၇ တန်းမှာ အခန်းကွဲသွားတယ်။ ပြီးတော့သူက ၉ တန်းတစ်နှစ်၊ ဆယ်တန်း တစ်နှစ်ကျတယ်။ ကျောင်းပြီးသည် အထိတွဲဖြစ်တုန်း၊ သူ ၂၄ နှစ်မှာ ကိုယ့်ကိုယ်ကို ကြိုးဆွဲချပြီး သက်သေသွားတယ်)

ကျနော် ခြောက်တန်းတုန်းက ကျော်စည်သူတိုးဆိုတဲ့ သူငယ်ချင်း အိမ်က ပိုက်ဆံ ၄၅ ကျပ်ခိုးလာတယ်။ အဲဒီပိုက်ဆံနဲ့ ကျနော်တို့ကို မုန့်လိုက်ကျွေးတယ်။

ကျနော် ခြောက်တန်းတုန်းက ရပ်ကွက်ထဲက ဆရာကြီး ဦးခင်မောင်ဦးဆီမှာ အင်္ဂလိပ်စာ ကျူရှင်ယူတယ်။ သူက လူပျိုကြီး။ တပည့်တွေ အပေါ် အရမ်းအနွံနာခံတတ်တယ်။ သူ ၂၀၁၀ လား ၁၁ လားမသိ၊ အဲဒီကျမှ ဆုံးသွားတာ။ ဆုံးတဲ့အထိ အင်္ဂလိပ်စာပဲ ကျူရှင်ပြလာခဲ့တာ။

ကျနော် ခြောက်တန်းတုန်းက ကျောင်းပိတ်ရက် ညနေပိုင်းတွေဆို ကြံတော ခရစ်ယန်သချိုင်းထဲမှာ စွန်သွား လွှတ်တတ်တယ်။ တစ်ခါတစ်လေ တူတူပုန်းတန်းဆော့တယ်။ ကောလိပ်ဂျင်နေ၀င်း အုတ်ဂူက ၈၈ အရေးအခင်းတုန်းက နှစ်ခါပြန်အဖောက်ခံထားရတော့ အကျယ်ကြီးပဲ။ အဲအထဲ ၀င်ဝင်ပုန်းကြတာ။ လူကြီးတွေ မကြိုက်ပေမဲ့ ကျနော် တို့က မကြောက်ဘူး။ တစ်ခါတစ်လေ တရုတ်သချိုင်းထဲက စကားပင်တွေအောက်မှာ ဇယ်သွားတောက်ကြတယ်။ ဗမာသချိုင်းတော့ သိပ်သွားလေ့မရှိဘူး။ ခရစ်ယာန်နဲ့ တရုတ်ချိုင်းက အမြဲပြုပြင်ထိန်းသိမ်းနေပေမဲ့ ဗမာသချိုင်းက အသုဘချပြီး ပြီးသွားရောလေ။ ပြန်လာမကြည့်ကြတော့ မြက်တွေထူလို့။

ကျနော် ခြောက်တန်းတုန်းက ရပ်ကွက်ထဲက ရွယ်တူ သူရိန်မြင့်ဆိုတဲ့ သူငယ်ချင်းက ဖွန်ကြောင်တတ်နေပြီ။ ကျနော်က အဲတုန်းက အဲဒါတွေ နားမလည်သေးဘူး။ သူလိုင်းပေါက်ဆရာများ အိမ်ရာမှာ နေတဲ့ ခိုင်ဝေဖြိုးဆိုတဲ့ ကောင်မလေး ခြံထဲ တစ်ည ၈ နာရီလောက်သွားတာ အဖော်ခေါ်သွားတယ်။ ခွေးတိုးပေါက်ကနေ တိုးသွားတာ။ သူ့အခန်းကို ပြတင်းပေါက်မှန် သွားအခေါက် အဲကောင်မလေးက ဖေကြီးရေ သရဲလို့ အော်လို့ သူ့အဖေက သူခိုးကပ်တယ်ထင်ပြီး တုတ်လား ဓားလားဆွဲ အိမ်ထဲက ထွက်လာတာ။ အဲဒါနဲ့ ပုဏ္ဍရိပ်ပင်တွေကို လွှားကနဲ့ ခုန်ကျော်ပြေးခဲ့ရတယ်။

ကျနော် ခြောက်တန်းတုန်းက ဘေးအိမ်က ဘွားလေးက ဗွီဒီယိုပြတယ်။ နေ့ခင်းဆို မြန်မာကား၊ ညနေ ၆ နာရီဆို ကလေးတွေကြိုက်တဲ့ သိုင်းကားတို့ ဘာတို့ပေါ့။ တစ်ခါတစ်လေ သွားသွားကြည့်တယ်။ ဘရုစလီကားဆိုရင်တော့ အမြဲကြည့်တယ်။ ဘွားလေးရော သူ့အစ်ကိုရော သူ့အမေရော ဘယ်သူရုံစောင့်စောင့် ကျနော့ကို ပိုက်ဆံမယူဘူး။ ည ၈နာရီခွဲကျတော့ လူကြီးသီးသန့်တဲ့။ ဘွားလေး အစ်ကိုက အဲအချိန်ဆို ကျနော်တို့ကို ပေးမ၀င်ဘူး။ ဒါပေမဲ့ သူမအားလို့ ဘွားလေး ရုံစောင့်ကျရင် ဘွားလေးက ခေါ်တယ်။ အပြာကားကို အဲတုန်းက ဘာမှနားမလည်ခဲ့ဘူး။ ဘာတွေမှန်း မသိပါဘူးကွာဆို ပြီး သုံးလေးခါလောက် ကြည့်ပြီး မသွားဖြစ်တော့ဘူး။

ကျနော် ခြောက်တန်းတုန်းက တရုတ်ပြည်က ဗုဒ္ဒစွယ်တော် ရန်ကုန်ကို ပထမဆုံးအကြိမ်ရောက်တယ်။ အဲတုန်းက ဒီဇင်ဘာလကြီး၊ ကျောင်းတွေပိတ်ထားတယ်။ ကမ္ဘာအေး မှာစံပါယ်တယ်။ ရက်ခြားလိုလို သူငယ်ချင်းတွေနဲ့ သွားဖူးတယ်။ ဘွားလေး၊ သူရိန်၊ တိုးလေး၊ ရာဇာ… တို့ပေါ့။ တန်းစီရတာ အကြာကြီးလေ။ အဲဒါပျော်လို့။

ကျနော် ခြောက်တန်းတုန်းက စွယ်တော်သွားဖူးရင်းနဲ့ ဆေးလိပ်သောက်တတ်ခဲ့တယ်။ အဲဒီတုန်းက စွပ်ကျယ်နဲ့ ဘောင်းဘီတိုလေး။ ရာဇာဆိုတဲ့ သူငယ်ချင်းတစ်ယောက်၊ သူက ကျနော့်ထက် အသက်ကြီးပေမဲ့ စာမေးပွဲခနခန ကျလို့ ၆ တန်းပဲ။ သူက ဆေးတောင် ချနေပြီလေ။ သူသင်ပေးတာနဲ့ စသောက်တတ်တာ။ အဲတုန်းက ဒူးယား။ စသောက်တာနဲ့ အဆင်ကိုပြေလို့။ ရှိုက်ပြီး ထုတ်ရတဲ့ အရသာ သိပ်ကြိုက်ခဲ့တယ်။ အမ်း ဆေးလိပ်က ကျနော့် သစ္စာအရှိဆုံး အဖော် ခုထိ ဖြစ်ခဲ့တယ်။ (ကံဆိုးတာက ကျနော့် ခန္တာကိုယ်မှာ မကောင်းဆုံးက အဆုတ်၊ ၂၀၀၇ တုန်းက ဆေးရုံတက်ပြီး ခွဲရသေးတယ်။ အဲကတည်းက ဆရာဝန်က ဆေးလိပ်ဖြတ်ခိုင်းတာ ကျနော် ခုထိနားမထောင်သေးဘူး)

ကျနော် ခြောက်တန်းတုန်းက ဘ၀မှာ ပထမဆုံးကျောင်းပြေးဘူးတယ်။ တရုတ်နှစ်သစ်ကူးနေ့မှာပေါ့။ ကျောင်းကို အဲဒီနေ့က ၁၀ ခွဲလောက်ကတည်းက ရောက်နေတာ။ ကျောင်းထဲအထိ ၀င်ပြီးမှ ဘောလုံးကွင်းနောက်ဘက် သံဇကာ ကိုဖြဲပြီးပြန်ထွက်တာ။ အဲဒီတုန်းက ကျနော်၊ တင်အောင်ဇော်၊ ဟန်ထွန်း နဲ့ သိန်းထိုက်မြင့်တို့ လေးယောက်။ ကျောင်းအကျီချွတ်ပြီး အောက်ကစွတ်ကျယ်ရယ် ကျောင်းဘောင်းဘီတိုရယ်နဲ့ပဲ။ ဟန်ထွန်းက တရုတ်။ သူကအန်ပေါင်းရထားတော့ အကုန်ဒကာခံတာ။ ကျနော်တို့ ကန်တော်မင် ပန်းခြံထဲသွားတယ်။ လှေလှော်ကြတယ်။ သစ်သားလှေကြီးတွေ၊ ကျနော် နဲ့ တင်အောင်ဇော်က တစ်စီး။ ငှားတာက တစ်နာရီပဲ၊ ကမ်းကို ပြန်မကပ်တတ်လို့ သုံးနာရီလောက် ကြာသွားတယ်။ စာအုပ်တွေလည်း ရေစိုကုန်တယ်။ (အိမ်ကျတော့မှ မီးကင်လိုက်ရသေးတယ်) ဟန်ထွန်းမှာ ကင်မရာပါတယ်။ အဲဒီတုန်းက ဖလင်ခေတ်။ (ဓာတ်ပုံတွေက တော်တော်ကြီးကြာမှ အစိုပြန်ပျက်သွားတာ)

          ဒါလေးတွေက ကျနော် ခြောက်တန်းကျောင်းသား ၁၉၉၃ - ၉၄ ခုနှစ် မှတ်မိသမျှတွေပေါ့။

                  

ကိုဇေ

ဖေဖော်ဝါရီ (၁၇) ရက်၊ ၂၀၁၆ ခုနှစ်၊ နေ့လည် ၂နာရီ ၅၁ မိနစ်။

(သတိရမိတာများရှိရင် နောက်မှ ထပ်ဖြည့်ပါဦးမည်)

ကျနော် လေးတန်း တုန်းက…

ကျနော် လေးတန်းတုန်းက ပဲခူးတိုင်း သဲကုန်းမြို့နယ်ထဲက ပုတီးကုန်းဆိုတဲ့ မြို့လေးမှာ။ ကျနော့်အမေက ပုတီးကုန်းသူ။ ၁၉၈၈ အရေးအခင်းအပြီးမှာ ပုတီးကုန်းက အဖွားဆီ ခဏပြောင်းလာရင်း အဲဒီမှာပဲ နှစ်တန်း ဒုတိယနှစ်ကနေ ပြန်တက်ခဲ့တယ်။ ကျောင်းက အ.မ.က သီရိဇေယျာမှာ။ ၁၉၉၁ ခုနှစ်။ ကျောင်းမှာ ကျောင်းအုပ်ကြီးအပါအ၀င် ဆရာ/ဆရာမ ၅ ယောက်ပဲရှိတယ်။

ကျနော် လေးတန်းတုန်းက မာမာ (ကျနော့်အမေကို ကျနော် အဲဒီလိုခေါ်တယ်) က မုန့်ဖိုးတစ်နေ့တစ်ကျပ်ပေးတယ်။ အဲဒီခေတ်တုန်းကတော့ တော်တော်များတဲ့ ပမာဏလို့ ပြောလို့ရတယ်။ ကျောင်းမှာ မုန့်ဈေးတန်းမရှိဘူး။ နေ့လည်ဆို ထမင်းအိမ်ပြန်စားရတယ်။ အဲဒီပိုက်ဆံတွေ ကျနော် သုံးပြစ်ခဲ့လား စုမိသလားဆိုတာ မမှတ်မိဘူး။

ကျနော်လေးတန်းတုန်းက ကျောင်းက ၀ါတွင်းဆို အဖိတ်နေ့ နဲ့ ဥပုသ်နေ့ ပိတ်တယ်။ မှတ်မှတ်ရရ ၀ါတွင်းတစ်ခုသော တနင်္ဂနွေ အိမ်ပြန်ထမင်းအစား မြန့်မာ့အသံက ရွှေဂေါင်းပြောင်ကား လာနေတယ်။ နေ့ခင်းကျောင်းပြန်တက်ချိန်အထိ မပြီးဘူး။ ကျနော်က ကျောင်းပြန်မသွားဘူးဆိုပြီး အတင်းဂျီကြတယ်။ မာမာက အတင်းလွှတ်ပေမဲ့ ဖွားဖွားကြီးက ကလေးရုပ်ရှင်ကြည်ပါစေဆိုလို့ ကျနော် ကျောင်းမသွားဘဲ ဆက်ကြည့်ဖြစ်တယ်။ ညနေကျ ကျနော် နေ့ခင်း ကျောင်းပြန်မတက်လို့ ဆိုပြီး ဆရာမကြီး (ကျောင်းအုပ်) နဲ့ ဆရာမလေး အိမ်လိုက်လာတယ်။ ဆူသွားလား ဘာလားဆိုတာတော့ မမှတ်မိဘူး။

          ကျနော်လေးတန်းတုန်းက သီရိဇေယျာတစ်လမ်းထိပ်က ကျနော်တို့ အိမ်ရှေ့နားက ရေကန်မှာ ငါးလာမြှားကြတယ်။ ငပြေမတွေ။ သူတို့မိတဲ့ငါးကို နို့ဆီခွက်ထဲ ထည့်ထည့်ထားတယ်။ ကျနော်က အဲဒီနို့ဆီခွက်တွေထဲက ငါးတွေကို လစ်ရင်လစ်သလို ပြန်ပြန်လွှတ်ပေးဘူးတယ်။ ကျနော့် (ဆုံးသွားတဲ့) အဖိုး (သူက ဆန်စက်လုပ်ငန်းရှင် တစ်ဖြစ်လည်း နိုင်ငံရေးသမားဟောင်း) နဲ့ ကျနော့ဦးလေး အကြီးဆုံး (သူက ပုတီးကုန်း ရ၀တက အတွင်းရေးမှုးလေ) အရှိန်ကြောင့်ပဲထင်တယ်။ ကျနော် ဘာပဲ လုပ်လုပ် မပြောကြဘူး။

          ကျနော်လေးတန်းတုန်းက ဂျင်မပေါက်တတ်ဘူး၊ (ခုထိလည်း မပေါက်တတ်ခဲ့ဘူး) ကျနော့်မှာ BMX လေးတစ်စီးရှိတယ်။ ကျနော် သုံးတန်းတုန်းက အစ်မ၀မ်းကွဲသင်ပေးလို့ စက်ဘီးစီးတတ်ခဲ့တာလေ။ (အဲဒီတုန်းက ငှားပြီးသင်ပေးတာ၊ ဒူးပြဲပြီးမှ တတ်ခဲ့တာ၊ စက်ဘီးစီးတတ်တော့ ကျနော် စက်ဘီးဝယ်ပေးဖို့ ပူစာရင်း BMX လေးရခဲ့တာ)။ ညနေတိုင်းလိုလို စက်ဘီးပတ်စီးတယ်။ ကျနော် စက်ဘီးစီးရတာ ၀ါသနာပါတယ်။ ကျနော် စက်ဘီးစီးတာ အရမ်းကြမ်းတယ်လို့ ပြောကြတယ်။

          ကျနော်လေးတန်းတုန်းက ညနေဆို အစ်ကိုကြီးတွေက အိမ်နားက ဘောလီဘောကွင်းမှာ ဘောလီဘောပုတ်ကြတယ်။ ကျနော်က တစ်ခါတစ်လေ ဒိုင်လုပ်ပေးတယ်။ ပွဲပြီးရင် ကျနော့်ကို မစိမ်းမွှေးဆိုင်မှာ ဆန်ပြုတ်တိုက်တဲ့အခါ တိုက်တယ်။ ဗိုလ်ရုံမှာ အကြော်လိုက်ကျွေးတဲ့အခါ ကျွေးတယ်။

         

          ကျနော်လေးတန်းတုန်းက ကျနော့ထက် တစ်တန်းလား နှစ်တန်းလားမသိ ငယ်တဲ့ တစ်ကျောင်းတည်း တစ်လမ်းထဲနေတဲ့ ဆော့ဖော်ဆော့ဖက် ဝေမောင်ဆိုတဲ့ ကောင်လေး ဆုံးသွားတယ်။ ကျနော် ညဘက် ငိုမိသေးတယ်။

          ကျနော်လေးတန်းတုန်းက ကျောင်းပိတ်ရက်တွေဆို ကြက်ခတ်တန်းဆိုတဲ့ ရွာလေးက ဘုန်းကြီးကျောင်းမှာ သွားသွားဆော့တတ်တယ်။ အဲဒီကျောင်းမှာ ကျနော်တို့ ရဟန်းခံပေးထားတဲ့ ဦးဇင်းလေးရှိသလို ကျနော်လည်း ကိုရင်ဝတ်ခဲ့ဘူးတယ်လေ။ ဘုန်းဘုန်းက အခြားကိုယ်ရင်တွေဆို ဆူတယ်၊ရိုက်တယ်။ ကျနော့်ကို ဘယ်တော့မှ မဆူ၊ မရိုက်ဘူး။

         

          ကျနော် လေးတန်းတုန်းက ကျနော့် ၁၀နှစ်ပြည့်မွေးနေ့မှာ တစ်ကျောင်းလုံးကို ဆပ်ကြိုတိုက်တယ်။ ကျောင်းက ဆရာ၊ ဆရာမတွေကို နေ့လည်စာ အိမ်မှာ ထမင်းကျွေးတယ်။ ကျနော့်ကို အကျီ အနက်မှာ အ၀ါရောင်အရုပ်လေးတွေနဲ့ရယ်၊ ဘောင်းဘီတို အ၀ါလေးရယ် လက်ဆောင်ပေးသွားတယ်။

          ကျနော် လေးတန်းတုန်းက အတန်းထဲမှာ အမြဲ အဆင့် (၁) သို့ (၂) ရတယ်။ ကျနော် နဲ့ အေးအေးငြိမ်းဆိုတဲ့ ကောင်မလေး နဲ့ တစ်ယောက်တစ်လှည့်။ အဆင့် (၃) ကိုအမြဲတန်းရတာက ၀င်းဝင်းယုဆိုတဲ့ တရုတ်မလေး။ ကျနော့်ကို ဆရာမတွေရော ရပ်ကွက်ထဲက အစ်ကိုတွေကပါ အဲဒီ ကောင်မလေးနှစ်ယောက်နဲ့ အမြဲစတယ်။ ကျနော် ဘာမှ နားမလည်ခဲ့ဘူး။

          ကျနော်လေးတန်းတုန်းက အတန်းတင် စာမေးပွဲကြီးက အစိုးရစစ် စာမေးပွဲ။ စာမေးပွဲဖြေတော့ ကိုယ့်ကျောင်းမှာကိုယ် အခြားကျောင်းက ဆရာမတွေ လာစောင့်တယ်။ ကျနော် နဲ့ ရင်းနှီးတဲ့ ဆရာမတွေ မဟုတ်တော့ အားငယ်မိခဲ့သေးတယ်။

          ကျနော် လေးတန်းအောင်တော့ ကျနော်တို့ မိသားစု ရန်ကုန်ပြောင်းခဲ့တယ်။

ကိုဇေ

ဖေဖော်ဝါရီ (၁၅) ရက်၊ ၂၀၁၆ ခုနှစ်၊ နေ့လည် ၄နာရီ ၁၅ မိနစ်။

(သတိရမိတာများရှိရင် နောက်မှ ထပ်ဖြည့်ပါဦးမည်)

လက်ထပ်ပွဲ

ချစ်ခြင်းမေတ္တာဟာ

ပကာသန မပါဘဲ

ဖိတ်စာလိုက်ကမ်းတယ်။

ဟိုလူကြီး လက်စွပ် စွပ်ပေးဖို့ မလိုပါဘူး။

ဒီမော်ဒယ် ပန်းကြဲပေးဖို့ မလိုပါဘူး။

တစ်ယောက်နှလုံးသားပေါ်

တစ်ယောက်လက်မှတ်ထိုးလို့

ဇုခွဲခြမ်းခဲ့တဲ့ ကိုယ်နှစ်ခြမ်းဟာ

ဘဒ္ဒကမ္ဘာမှာ ပြန်လည်ပေါင်းစည်းခဲ့ကြတယ်။           ။

ကိုဇေ

13022015 at 2:41PM

ချစ်ခြင်းမေတ္တာ

ဘုရားအားလုံးရဲ့

တစ်ခုတည်းသော တရား။

ဘာသာအားလုံးအတွက်

ဘုံတူညီသော ကိုးကွယ်ရာ။

ကျွန်ပ်

နှလုံးသားထဲ၌

တစ်သက်တာ ဆည်းကပ်ရာအဖြစ်

ရှိခိုး ဦးချ မိပါ၏။

ကိုဇေ

February 7, 2016

ဇော်ဇော်အောင် ဘယ်တော့မှ မသေဘူး...။

စိုးအောင်၊
မြတ်သစ်၊
ပီတာဇော်မြင့်၊
ယုဇနမခင်ပျို၊
မကြည်ပြာ...
ရှင်နေတုန်းပဲ။

ဇော်ဇော်အောင် သေပြီ
ဘယ်သူပြောသလဲ။               ။


ကိုဇေ

RIP ဆရာ ဇော်ဇော်အောင် (၁၉၃၇ - ၂၆.၁.၂၀၁၆)

ဝဋ်နာကံနာ

ငါ့စိတ်နဲ့ငါ

မင်းကို လွမ်း ရ တာ …

ကိုဇေ

ကမ်းခြေ

မာယာများတဲ့လို့ ပြောခံရတဲ့

လှိုင်းသံမှာ

လူတွေ

အော်ဟစ်ကခုန်

ပျော်ရွှင်မြူးတူးလို့...

ပင်လယ်ဟာ

မီးပုံပွဲကို

ငေး ကြည့် လို့...။

ကိုဇေ

January 9,2016 at 10:03PM

ဧရာဝတီ

တစ်နေ့ရွှေဥတစ်လုံး

ပုံမှန်ဥပေးနေတဲ့ "ငန်း"

ဝိသမလောကသားတို့

ရင်ခွဲပစ်လိုက်တယ်။

ကိုဇေ

Jan 2, 2016 at 11:01PM ; Pyay

နယူးရီးယား

တစ်ညတာ ပျော်ပါးအပြီး

ပြက္ခဒိန် အသစ်လဲလိုက်တယ်

လူအဟောင်း

စိတ်အဟောင်းနဲ့

မနေ့ကနေ

ဒီနေ့ကို 
ကူး    လာ တာ ပါ ပဲ…။

ကိုဇေ

1.1.16 at 10:46AM