ကေတီဗွီ

မြို့ပြရဲ့ညမှာ

သူတို့သီချင်းသံ

(တဏ္ဍာခိုးနဲ့ အရက်ခိုးကြား)

ပျံ့လွင့်ခဲ့ပြီ...။

ကောက်စိုက်သမတို့

လယ်ကွင်းမှာ

တေးမဆိုတော့ပြီ....။            ။

ကိုဇေ

December 22, 2015 at 1:12AM

စစ်

လူအချို့ကောင်းစားဖို့

လူအများ အသက်ရင်းလို့

နိုင်သူမှန်ကြေး

ကစားတဲ့ "ပွဲ"

ကိုဇေ

November 26,2015 at 12:30AM

2015 တစ်နှစ်တာ Facebook ပေါ်က ကိုယ့်ရဲ့စာသားတွေ

ဒါဟာလည်း ကဗျာတစ်ပုဒ် ဖြစ်မလားပဲ. . .

ထောင်

ရာဇ၀တ်သား

ခိုး ဆိုး လုယက်

လူသတ် မုဒိန်းသမား

မှ

မဟုတ်ဘူး။

အာဏာရှင်အစိုးရ

ကြောက်ရတဲ့ သူတွေလည်း

အကျဉ်းစံရတယ်...။

ကိုဇေ

November 14, 2015 at 2:11AM

လက်သန်းပြာလေးတွေ အာဏာရှင်ကို တောက်ထုတ်လိုက်တဲ့နေ့ (သို့) နိုဝင်ဘာ၊၈၊၂၀၁၅

ဒီနေ့နံနက်မှာ စောစောစီးစီးပဲ နှိုးစက်မလိုဘဲ နှိုးလာခဲ့တယ်…။ ဒီနေ့မှာ ဘ၀မှာ ပထမဆုံးအကြိမ်အဖြစ် မဲပေးရမှာလေ…။ ၂၀၀၈ အခြေခံဥပဒေ ဆန္ဒခံယူပွဲတုန်းက မဲမပေးခဲ့ဥလို ၂၀၁၀ မှာလည်း ကိုယ်ယုံကြည်တဲ့ပါတီ မရှိခဲ့လို့ မဲမပေးဖြစ်ခဲ့ဘူး။ ဒီနေ့တော့ ကိုယ့်နိုင်ငံသားတစ်ယောက် ဖြစ်ခြင်းရဲ့ အမြင့်ဆုံး အခွင့်အာဏာကို အပြည့်အ၀ အသုံးချဖို့ ဖြစ်လာခဲ့ပြီပေါ့…။

ကိုယ်နေတာက လှိုင်သာယာ၊ အမှတ် (၆) ရပ်ကွက်။ ကိုယ်မဲပေးရမဲ့ မဲရုံက အမှတ် (၁၈)။ ကိုယ်တွေရပ်ကွက်က အလယ်တန်းကျောင်းလေးထဲမှာပေါ့။ မဲရုံ အမှတ် (၁၆) ကနေ (၃၀) အထိ စုစုပေါင်း (၁၅) ရုံ တစ်နေရာတည်းမှာပဲ ဖွင့်ထားတာ။ ကျောင်းက စာသင်ခန်းတွေ ကျဉ်းတာလည်း ပါတာပေါ့..။ မဲရုံတစ်ရုံကို လူ ၃၀၀ နှုန်းသတ်မှတ်ထားတယ်။ အနေအထားအရ အစောကြီးတန်းစီစရာမလိုမှန်း သိလို့ ကိုယ်အိမ်မှာအေးဆေးပဲ Facebook ပေါ်ကနေ ဒီနေ့မဲပေးကြတဲ့ သတင်းတွေ ကြည့်နေတယ်။ ကိုယ့် News Feed တစ်ခုလုံးမှာ လက်သန်းပြာလေးတွေချည်းပဲ။

နေ့လည် ထမင်းစားပြီးချိန်လောက် မဲရုံကို ထွက်လာခဲ့တယ်။ ကိုယ်တို့မဲရုံမှလူရှင်းလို့။ မဲရုံမှုးကို ဘယ်နှစ်ယောက် မဲလာပေးသွားပြီလည်းလို့ မေးကြည့်တော့ အယောက် (၈၀) လောက်ပဲ မဲလာပေးသွားသေးတယ်တဲ့။ ဒါနဲ့ပဲ ကိုယ်မဲပေးစရာရှိတာ ပေးပေါ့။ ရွေးကောက်ပွဲမစခင်ကတည်းက ကိုယ်ပါဝင်တဲ့ Independent Youth For Change ဆိုတဲ့ အဖွဲ့လေးနဲ့ တတ်နိုင်သလောက် လှိုင်သာယာ၊ ရွှေပြည်သာ၊ ဒလ၊ မှော်ဘီ စတဲ့မြို့တွေမှာ မဲပေးနည်းလမ်းညွှန်အကြောင်း၊ ခိုင်လုံမဲ ဘယ်လိုပေးမလည်းဆိုတဲ့ အကြောင်း မျှဝေခဲ့ကြသေးတယ်လေ။ ကိုယ်ကိုယ်တိုင်ပေးတဲ့ အချိန်မှာ ရင်တွေ တုန်လိုက်တာဆိုတာ။ ငါဟာ ကိုယ့်အစိုးရကို ကိုယ်တိုင်ရွေးနိုင်ပြီဆိုတဲ့ ပီတိအဟုန်နဲ့ပေါ့။ ပြည်ထောင်စုလွှတ်တော်၊ အမျိုးသားလွှတ်တော် နဲ့ တိုင်းဒေသကြီးလွှတ်တော် ကိုယ်စားလှယ်တွေအတွက် အသဲကြားက မဲသုံးကြိမ်ပေးအပြီး ကိုယ့်လက်သန်းလေး မှင်အိုးထဲနှစ်၊ မှင်ပြာလေးတွေ စွန်းသွားတဲ့ လက်သန်းလေးကိုကြည့်ပြီး ငါတာဝန်ကျေပြီလို့ ခံစားလိုက်ရတယ်။

ဒီထက်ပိုပြီး ဘာလုပ်နိုင်ဦးမလည်းဆိုတော့ ညနေမဲရုံပိတ်ချိန် မဲရေတဲ့အခါ မဲပေးသူ ၄ ဦးသက်သေအနေနဲ့ မဲရုံအတွင်း ၀င်ခွင့်ရှိတယ်ဆိုတာ ကိုယ်သိထားတယ်လေ။ ဒါနဲ့ မဲရုံမှုးကို ကျွန်တော်ညနေ လာခဲ့မယ်လို့ ခွင့်တောင်းတော့ မဲရုံမှုးကလည်း ၀မ်းပန်းတသာ ကြိုဆိုတယ်။ အခြားမဲရုံတွေကိုလည်း လှည့်ပတ်ကြည့်။ ကိုယ်အားမရတာတစ်ခုက မဲပေးခွင့်ရှိတဲ့ လူတိုင်းမဲလာမပေးကြတာကိုပဲ…။

ဒါနဲ့ပဲ ကိုယ်အိမ်ခနပြန် Facebook ပေါ်မှာ သတင်းတွေကြည့်ပေါ့။ ညနေ ၃ နာရီခွဲလောက် မဲရုံကို ကိုယ့်ညီနဲ့အတူ ပြန်လာခဲ့တယ်။ အဲအချိန်မှာ မိုးကရုတ်တရက် ထရွာတယ်…။ အာဏာရှင်စနစ်ကို ဆေးကြောသန့်စင်တဲ့မိုးလား…။ အတွေးတစ်စ ကွန့်မြူးကြည့်မိတယ်။ မဲရုံပိတ်ချိန် မဲရုံမှုးနဲ့ သက်ဆိုင်ရာ တာဝန်ရှိသူတွေ၊ အသိသက်သေအဖြစ် ကိုယ်တို့ ညီအစ်ကိုရယ်ပေါ့။ မဲပေးခွင့်ရှိတဲ့ လူ ၃၀၀ မှာ ၁၀၂ ဦးပဲ လာပေးတာတော့ စိတ်မကောင်းစရာတစ်ခုပေါ့။

ပထမဆုံး ကြိုတင်မဲတွေ ဖောက်ရေတွက်တယ်။ စုစုပေါင်းက နေရာတစခုစီအတွက် (၈) ဆောင်တည်းပါ။ ပြဿနာတစ်ခုက စာအိတ်ကို ကော်နဲ့ပိတ်တဲ့အခါ မဲလက်မှတ်ပါ ကပ်နေတာ။ ပယ်မဲမဖြစ်ရလေအောင် သေချာဂရုစိုက်ပြီး ဖောက်ကြရတယ်။ အဲဒီ (၈) စောင်တည်းနဲ့ နာရီဝက်ကျော်လောက် အချိန်သုံးလိုက်ရတယ်။ နေရာသုံးခုစလုံးမှာ NLD က (၆) မဲ၊ USDP က (၂) မဲစီရတယ်။ အဲဒီနောက် ပြည်ထောင်စုလွှတ်တော်၊ အမျိုးသားလွှတ်တော်၊ တိုင်းဒေသကြီးလွှတ်တော် အတွက် တစ်ဗုံးစီ ဖောက်ပြီးမဲရေကြတယ်။ ထူးခြားတာတစ်ခုက ပယ်မဲက အရမ်းနဲခဲ့တာပဲ။

ကိုယ်တွေမဲရုံရဲ့ ရလာဒ်ကို ပြောရရင် မဲဆန္ဒရှင် ၁၀၂ ဦး + ကြိုတင်မဲ ၈ဦး = စုစုပေါင်း ၁၁၀ ဦးမှာ ပြည့်သူ့လွှတ်တော်အတွက်က NLD -  ၈၉ မဲ၊ USDP - ၁၄ မဲ၊ အခြားပါတီများက ၅ မဲ နဲ့ ပယ်မဲက ၂မဲ၊ အမျိုးသားလွှတ်တော်မှာ NLD - ၈၉ မဲ၊ USDP - ၁၅မဲ၊ အခြားပါတီ ၃ မဲနဲ့ ပယ်မဲ ၃မဲ၊ တိုင်းဒေသကြီးလွှတ်တော်မှာ NLD - ၈၉ မဲ၊ USDP -၁၄ မဲ၊ အခြားပါတီ ၄ မဲနဲ့ ပယ်မဲ ၃မဲပေါ့။

မဲရေတွက်ပြီးချိန်မှာ တော်တော်မှောင်နေပြီ။ ဒါပေမဲ့ မဲရုံမှာ မီးမရှိဘူး။ အချို့အိမ်ကယူလာတဲ့ အားသွင်းမီးအိမ်လေးတွေရယ် ကိုယ်တွေဖုန်းက flesh light ရယ်နဲ့ပဲ မဲရုံမှုးက စာရင်းတွေဖြည့်သွင်းတယ်ပေါ့။ မဲရုံမှုးက ပြောစရာမရှိပေမဲ့ ဒုမဲရုံမှုးရယ် ကျန်အကူကလေးတွေရယ်ဟာ သင်တန်းအတွေ့အကြုံမှာ အားနဲခဲ့ပုံပဲ။ ကျန်တဲ့ စောင့်ကြည့်ရေးအချို့နဲ့ ကိုယ်တို့တွေ ဘေးကကူညီခဲ့ရတယ်။ ၇နာရီခွဲကျော်ကျော်လောက်မှ လက်စသတ်နိုင်တယ်။ ကိုယ်တွေ အလယ်တန်းကျောင်းက မဲရုံ ၁၅ ရုံလုံးထဲမှာ ဒုတိယမြောက် အစောဆုံး ပြီးခဲ့တာပေါ့။ အချို့မဲရုံတွေက မဲရေတုန်း။ အချို့တွေက အချက်အလက်တွေ ဖြည့်သွင်းတုန်း။ အားလုံးပြီးရင် လှိုင်သာယာ မယက ရုံးကို ပို့ရမှာတဲ့။ ဘာနဲ့ပို့မလည်းမေးကြည့်တော့ ကော်မရှင်က ဘာမှစီစဉ်မပေးထားဘူး။ ဆရာမတွေလည်း အရမ်းပင်ပန်းနေကြပြီ။ နောက်ဆုံးတော့ ကိုယ့်အစီအစဉ်နဲ့ ကိုယ်ပို့မယ်ဆိုပြီး မဲရုံသုံးရုံ က မဲရုံမှုးသုံးယောက်စီက တက်စ်စီတစ်စီးစီငှား၊ လုံခြုံရေးရဲ ၂ ယောက်က မဲရုံမှုးတွေနဲ့ အတူလိုက်။ တစ်ယောက်က ဆိုင်ကယ်နဲ့လိုက်သွားကြတယ်။ အဲဒီလိုနဲ့ပဲ အဆင်ပြေခဲ့ကြတယ်ပေါ့။

ကိုယ်တွေမဲရုံ ၁၅ ရုံလုံးက ပုံစံ ၁၉(က) ကိုကြည့်မိတော့ NLD က အနီးကပ်ဆုံး ပြိုင်ဘက်ပါတီကို ခြောက်ဆကျော် အပြတ်အသက် အနိုင်ရနေတယ်လေ။ ကိစ္စတွေပြီးလို့ Facebook ကိုဖွင့်အကြည့် ကိုမင်းကိုနိုင်ရဲ့ ကဗျာလေးတစ်ပုဒ် News Feed မှာ တက်လာတာတွေ့တယ်။

“ဒီနေ့ဟာ

သူရဲကောင်းတို့ အရိုးတွေ

အိုးဝေလို့ ထတွန်တဲ့နေ့။” တဲ့။

ဟုတ်တယ်။ ဒီနေ့ဟာ နိုင်ငံသားတစ်ယောက်ရဲ့ တာဝန် ကျေပြွန်သူတွေရဲ့ လက်သန်းပြာလေးတွေဟာ အာဏာရှင်စနစ်ကို တောက်ထုတ်လိုက်တဲ့နေ့။ မြန်မာနိုင်ငံရဲ့ သမိုင်းဝင်မဲ့နေ့။ နိုဝင်ဘာ (၈) ၂၀၁၅။

ကိုဇေ

November 14, 2015 at 7:31PM

အမည်ရင်း                -         ကျော်ဇေယျာအောင်

မဲထည့်ဝင်ခဲ့သည့်မဲရုံ     -         မဲရုံအမှတ် (၁၈)

အမျိုးသားမဲဆန္ဒနယ်မြေ -         အမှတ် (၁၁)

ရပ်ကွက်                   -         အမှတ် (၆) ရပ်ကွက်

မြို့နယ်                    -         လှိုင်သာယာ မြို့နယ်

တိုင်းဒေသကြီး            -         ရန်ကုန်တိုင်းဒေသကြီး

ငြိမ်းချမ်းရေး

နှစ်ဖက် ဗိုလ်ချုပ်နှစ်ယောက်

စာရွက်တစ်ရွက်ပေါ်

လက်မှတ်ထိုးလိုက်တယ်

ငြိမ်းချမ်းရေးတဲ့

ဒိုင်း ဒိုင်း ဒိုင်း

သူတို့ တပ်သားတွေမှာ

ဘောပင်မှ မရှိတာ

သေနတ်ပဲရှိတာကို...

နှစ်ဖက်ပစ်လိုက်တဲ့

ကျည်ဆံတွေဟာ

ကိုယ့်ရန်သူ့တပ်သား

နှလုံးသားကို ဖောက်ဝင်ပီး

ထို ဗိုလ်ချုပ်နှစ်ယောက်

ရင်ဝမှာ လာစိုက်တယ်

ဆုတံဆိပ်အဖြစ်

ဘာသာတိုင်းကပြောတယ်

လူမသတ်နဲ့

"ရဲသော်မသေ သေသော်ငရဲမလား"

ဘယ်သူ့စကား နားထောင်မှာလည်း။

ဂျိုးငှက်လေးဟာ

သပြေခတ်ကို ထိုးဆိတ်လို့

သူလည်း ဗိုက်ဆာနေမှာပေါ့။            ။

ကိုဇေ

November 4,2015 at 1233AM

-

Rape လုပ်ခံရတဲ့ စိတ်မှာ

ရလာတဲ့ သန္တေသားက

နာ ကျင် မှု

သွေးသားဆိုတော့လည်း

တစ်ယုတစ်ယ

မွေးမြူမိပြန်ပေါ့...။

ကိုဇေ

November 3, 2015 at 12:53AM

လူ

ဦးနှောက်ဟာ

ဘုရားသခင်ထက်                                         

ကြီးသွားတဲ့အခါ

နှလုံးသားဟာ

တိရိစ္ဆာန်ထက်

သေးသွားတယ်။            ။

ကိုဇေ

October 17,2015 at 1:49AM

ပျောက်ဆုံးသွားသော

နှစ်နှစ်ဆယ်ကျော်

အတိတ်တွေက

ဓာတ်ပုံတွေထဲ

ခုန် ဆင်း  လိုက်တော့...

ဆေးသားအရောင်တွေ

ပျယ် လွင့်    လို့

"မိသားစု" ဆိုတာ

ပစ္စုပ္ပန်မှာ

ရှာလို့

မတွေ့တော့ဘူး။             ။

ကိုဇေ

September 17,2015 at 11:23PM

ဓာတ်ပုံအဟောင်းလေးထဲ

ပြန်မရောက်နိုင်တဲ့ နေရာတွေမှာ

ပြန်မတွေ့နိုင်တော့တဲ့ သူတွေက

ကိုယ့်ကို

ပြုံး ပြ  တယ် ။    ။

ကိုဇေ

September 1,2015 at 8:24PM

သင်၏အလှူပစ္စည်းသည် အလှူခံပုဂ္ဂိုလ်အတွက် အမှိုက်မဖြစ်စေဖို့

လွန်ခဲ့သော နှစ်အနည်းငယ်ခန့်က ကျွန်တော့သူငယ်ချင်း မြောက်ဒဂုံတွင် ဖွင့်လှစ်ထားသည့် အခမဲ့ ကွန်ပြူတာသင်ကျောင်းသို့ အလှူရှင်တစ်ဦးမှ Printer တစ်လုံးလှူဒါန်းခဲ့သည်။ ထို Printer ၏ Driver သည် မည်သည့်ကွန်ပြူတာတွင်မှ Run ၍ မရ။ ထို့ကြောင့် ထို Printer ၏ Specification ကိုဖတ်ကြည့်ရာ Window XP နှင့် ၄င်းထက်နိမ့်သော OS များတွင်သာ Run ၍ရကြောင်းတွေ့ရသည်။ ထိုသင်တန်းကျောင်းရှိ Computer အားလုံးတို့သည် Window 7 တင်ထားသည်။ ထို့ကြောင့် Printer သည် အသုံးမ၀င်ခဲ့ပေ။ အလှူရှင်အတွက်တော့ မိမိတွင်ရှိသော ပိုလျှံပစ္စည်း အားတစ်ပါးသူ အသုံးဝင်မည်ထင်၍ စေတနာသန့်သန့်ဖြင့် ပေးလှူခဲ့ခြင်းဖြစ်သော်လည်း ထိုအလှူပစ္စည်းမှာ အလှူခံရရှိသောသူအတွက် အသုံးမ၀င်သော တစ်နည်း အမှိုက်သာ ဖြစ်ခဲ့ရသည်။

ယခုနှစ် ၂၀၁၅ ဇူလိုင်နှင့် သြဂုတ်လတို့တွင် မြန်မာနိုင်ငံ အနှံ့အပြား၍ ရေကြီး၊ မြေပြိုမှုများ ကြုံတွေ့ခဲ့ရသည်။ အလှူရှင်များမှ တတ်နိုင်သည့် အပိုင်းတို့တွင် စေတနာထက်သန်စွာ လှူဒါန်းကြသည်။ ကျောင်းသားများ၊ လူငယ်များ၊ အခြားအသိုင်းအ၀ိုင်းပေါင်းစုံတို့မှလည်း အလှူရှင်နှင့် ဘေးဒုက္ခကြုံတွေ့နေသူများ ကြားမှနေ၍ မိမိတို့ အချိန်များ ပေးဆပ်ရင်း လိုအပ်သည်များကို ဖြည့်တင်းဆောင်ရွက်ပေးကြသည်မှာ အားရစရာ ဖြစ်သည်။

ကျွန်တော့ အတွေ့အကြုံတစ်ခု ပြောပါဦးမည်။ ကျွန်တော့ သူငယ်ချင်းများ အလှူခံရသော အ၀တ်အစားထုတ်များ ရှိပါသည်။ သွားလှူကာနီးတွင် ယောက်ျားဝတ်၊ မိန်းမ၀တ်၊ ကလေးဝတ် စသည်ဖြင့် သူ့အမျိုးအစားအလိုက် အိတ်ကြီးများထဲတွင် ခွဲ၍ ပြန်လည်စုစည်းထုတ်နှောင်ပါသည်။ စိတ်မကောင်းစွာဖြင့် ဆာလာအိတ် ၂ အိတ်ခန့်လောက် အ၀တ်အစားများအား ထားခဲ့ရပါသည်။ အဘယ်ကြောင့်ဆိုသော် ပခုံး၌ကြိုးတစ်ချောင်းတည်းတပ်ထားသော အကျီများ၊ စကဒ်အတိုများ၊ ကျောပြောင်အကျီများ၊ စသည်ဖြင့် လှူဒါန်းရန် မသင့်တော်သော အကျီများကို စိတ်မကောင်းစွာဖြင့် ထားခဲ့ရပါသည်။ ထို့အပြင် အလွန်ဟောင်းနွမ်းသော အကျီများကို လည်း မလှူဒါန်းသင့်ဟု ယူဆကာ ထားရစ်ခဲ့ပါသည်။ (ရေဘေးကြုံသူတိုင်းသည် မရှိဆင်းရဲသားများဖြစ်ချင်မှ ဖြစ်မည်၊ ထိုသို့ အဟောင်းများ ပေးလှူခြင်းဖြင့် သိမ်ငယ်မှာ စိုး၍ ဖြစ်ပါသည်၊ လွတ်လပ်စွာ သဘောကွဲလွဲနိုင်ပါသည်) အသုံးပြုပြီးသား အတွင်းခံ (ဘော်လီ၊ ဘရာစီယာ၊ underwear) များလည်း ထားရစ်ခဲ့ပါသည်။ ထို ဆာလာအိတ်များမှာ ကျွန်တော်တို့ထံတွင် ယခုတိုင် ရှိနေပါသေးသည်။ မလိုအပ်ဘဲ ထိန်းသိမ်းထားရသော အမှိုက်များ သဖွယ် ဖြစ်နေပါသည်။

ထို့အပြင် ဖိနတ်အသစ်များကို လည်းဆာလာအိတ်တစ်ထုတ် လက်ခံရရှိပါသေးသည်။ သို့သော် သွားရောက်မလှူဒါန်းဖြစ်ခဲ့။ ဒေါင့်မြင့်ဖိနတ်များ ဖြစ်နေသောကြောင့် ဖြစ်သည်။ ဒေါင့်မြင့်ဖိနတ်များမှာ ရန်ကုန်မြို့လယ်ခေါင် မိုးရွာရေလျှံစဉ်တောင် စီးရတာ အဆင်မပြေပါ။ ရေမြှပ်သော ဒေသများသည် တောရွာများဖြစ်သဖြင့် ပိုလို့တောင် အဆင်မပြေပါ။ အလှူရှင်အနေဖြင့်လည်း ငွေကြေးအလွန်ကုန်ကျနိုင်ပါသည်။ သို့သော် သွားရောက်လှူဒါန်းရန် အဆင်မပြေသဖြင့် ကြားမှ သွားရောက် လှူဒါန်းပေးမည့် သူထံတွင် သောင်တင်နေတော့သည်။

သဒ္ဒါတရားထက်သန်သည်မှာ ကောင်းပါသည်။ သို့ရာတွင် မိမိလှူဒါန်းသော ပစ္စည်းသည် တစ်ဖက်လူအတွက် အကျိုးရှိနိုင် မရှိနိုင်ကိုလည်း ပြန်စဉ်းစားဖို့ လိုပါသည်။ အချို့သည်ကား မိမိထံပိုလျှံနေသည်ဆိုကာ ပြီးပြီးရော လှူဒါန်းလိုက်သော်လည်း တစ်ဖက်တွင် လည်း အသုံးမ၀င်ကာ အမှိုက်ဖြစ်သွားတတ်ပါသည်။ မိမိ ဘာအတွက် လှူဒါန်းမှာလည်း ဆိုတာကိုလည်း ပြန်လည် သုံးသပ်သင့်ပါသည်။

ရေဘေးအတွက် အ၀တ်အထည်များစွာ လှူဒါန်းရန် မလိုပါ။ ရေဘေးသည် မီးဘေးမဟုတ်ပါ။ ပထမဆုံးလိုအပ်သည်မှာ စားစရာ၊ ရေ နှင့် ဆေးဝါးများ ဖြစ်ပါသည်။ စားစရာဆိုရာ၌လည်း ကြားသိခဲ့ရတာ တစ်ခုပြောပြပါဦးမည်။ ပွင့်ဖြူဘက်သို့ လှူဒါန်းရန်သွားသော ကားများသည် လမ်းပေါ်ရေကျော်နေသဖြင့် အချိန်များစွာ ပိတ်မိခဲ့သည်။ အချို့သူများသည် ထမင်းချက်၍ အသင့်စားနိုင်သော ဗူးများ၊ အထုတ်များဖြင့် ယူဆောင်သွားကြပါသည်။ ကားပိတ်သောအခါ ထိုထမင်းများ ဟင်းများ သိုးသွားသည် ဟု ကြားသိခဲ့ပါသည်။ အချို့က နီးစပ်ရာ ရွာများတွင် ဝေငှခဲ့ရပါသည်။

ကြုံကြိုက်တုန်း သမ္မတကြီးအကြောင်းလည်း ပြောချင်ပါသေးသည်။ သမ္မတကြီးသည် ရေဘေးသင့်ဒေသများသို့ ဗုဒ္ဓဆင်းတုတော်များ လှူဒါန်းမည်ဆိုသော သတင်းကို ခိုင်မာသော သတင်းစာမျက်နှာတွင် ဖတ်ရှုလိုက်ရပါသည်။ ထိုအချိန်သည် ပြန်လည်ထူထောင်ရေး အချိန်မဟုတ်သေး။ ရေဘေးသင့်ပြည်သူများသည် ကယ်ဆယ်ရေးစခန်းများ၊ ဘုန်းကြီးကျောင်းများ၊ ရေလွတ်ရာ နေရာများသို့ ရွှေ့ပြောင်းနေထိုင်နေရဆဲ အချိန်ဖြစ်သည်။ နေစရာအရင် စားစရာတောင် မပြည့်စုံသေးသော ကာလမှာ ထိုဆင်းတုတော်များကို မည်သို့ ထိန်းသိမ်းမည်နည်း။ အင်မတန် အမျှော်အမြင်ကြီးရှာသော နိုင်ငံ့ခေါင်းဆောင်ကြီးပင် ဖြစ်ပါသည်။

ကျွန်တော်အကြံပြုလိုသည်က အထိမိဆုံး လှူဒါန်းမှုသည် ငွေသားပင်ဖြစ်သည်။ ငွေကြေးသည် အဓိက ဖလှယ်ခံ အရာဝတ္ထုဖြစ်သည်။ မည်သည့်ဒေသတွင် မည်သည့်ပစ္စည်းလိုအပ်သလည်း ဆိုသည့်အချက်အပေါ်တွင် ကြည့်၍ ငွေကြေးဖြင့် တိုက်ရိုက်ဖလှယ်နိုင်သည်။

ထို့ကြောင့် ဘယ်လိုအကြောင်းကြောင့်ပဲ လှူလှူ၊ သင်လှူဒါန်းလိုက်သော အလှူပစ္စည်းသည် ကြားမှ တစ်ဆင့်ခံပုဂ္ဂိုလ် သို့မဟုတ် လိုအပ်သည့် အလှူခံပုဂ္ဂိုလ်တို့အတွက် အကျိုးမဲ့၊ အချည်းနှည်း ထို့ထက်ပို၍ အမှိုက်မဖြစ်သွားအောင် သတိပြုသင့်ပါကြောင်း သုံးသပ်တင်ပြလိုက်ပါသည်။

ကိုဇေ

August 26, 2015 at 2:00PM

ရေဘေး - ၇

ဒေါ်လာဘီလီယံချီကုန်ထားတဲ့

သန်းခေါင်စာရင်းက ချောင်ကပ်နေလို့တဲ့

ကိုယ်ထူကိုယ်ထ

မဲစာရင်း ပြင်ရတယ်။

မိုးနတ်မင်းကြီးက

အစိုးရကို သနားလို့တဲ့

မိုးတွေရွာချပေးလိုက်တာ

တစ်နိုင်ငံလုံး

ရေ ကြီး ရော။

ကိုဇေ

August 12,2015 at 12:06AM

(မြန်မာနိုင်ငံ အနှံ့အပြားတွင်ဖြစ်ပေါ်နေသော ရေဘေးအတွက် ခံစားချက်များ)

ရေဘေး - ၆

မင်းဒူးခေါင်း

ရေမြှပ်တဲ့အခါ

အစိုးရကို ဆဲမယ်

သူတို့အိမ်ခေါင်

ရေမြှပ်တဲ့အခါ

မင်း ကူညီတယ်။

ကိုဇေ

August 11,2015 at 1:49AM

(မြန်မာနိုင်ငံ အနှံ့အပြားတွင်ဖြစ်ပေါ်နေသော ရေဘေးအတွက် ခံစားချက်များ)

ရေဘေး - ၅

မာန နဲ့ သိက္ခာတွေ

လမ်းမတွေထက်မှာ

ခ၀ါချပြီး

ရေထဲက လက်တွေအတွက်

ကမ်း လင့်

ဆွဲ တင်

ထူ မ  . . . ကြတယ်။

ကိုဇေ

August 9,2015 at 11:38PM

(မြန်မာနိုင်ငံ နေရာအနှံ့အပြားတွင် ဖြစ်ပေါ်နေသော ရေဘေးအတွက် ခံစားချက်များ)

ရေဘေး - ၄

သစ်ခုတ်ရင် တောပြုန်းမယ်

တောပြုန်းရင် တောင်ဂတုံးဖြစ်မယ်

တောင်ဂတုံးဖြစ်ရင် ရေကြီးမယ်

ရေကြီးရင် မြေဆီလွှာဆုံးရှုံးမယ်

မြေဆီလွှာဆုံးရှုံးရင် အပင်ပြန်မပေါက်ဘူး

အပင်ပြန်မပေါက်ရင် မိုးခေါင်မယ်

မိုးခေါင်ရင် စိုက်ပျိုးရေးမဖြစ်ထွန်းဘူး

စိုက်ပျိုးရေးမဖြစ်ထွန်းရင် အငတ်ဘေးဆိုက်မယ်

အငတ်ဘေးဆိုက်ရင် အစုလိုက်ပြောင်းရွှေ့မယ်

အစုလိုက်ပြောင်းရွှေ့ရင် အလုပ်ခက်မယ်

အလုပ်ခက်ရင် ၀မ်းရေးခက်မယ်

ဝမ်းရေးခက်ရင်

ဝမ်း  ရေး  ခက်  ရင် . . .

ဝ  မ်းေ  ရး  ခ  က် ရ  င် .   .   .

သယံဇာတ အလွန်အကျွံထုတ်ယူသုံးစွဲခြင်းပြစ်ဒဏ်

ပြစ်ဒဏ်အတွက် ထောင်ရှစ်ရက်

တစ်သက်တစ်ကျွန်းကို လူသန်း ၆၀ ဆက်ခံ

သင်၏ သယံဇာတ ကြွယ်ဝသော နိုင်ငံတော်။

ကိုဇေ

August 7, 20156 at 11:54PM

(မြန်မာနိုင်ငံ နေရာအနှံ့အပြားတွင် ဖြစ်ပေါ်နေသော ရေဘေးအတွက် ခံစားချက်များ)

ရေဘေး - ၃

ကိုယ့် ကိုယ် ကို

မနဲကြိုးစား

အားတင်းရပ်နေရင်းကနေ

လဲနေသူကို

ထူ ကြ တယ်။

ကိုဇေ

August 5,2015 at 7:20PM


(မြန်မာနိုင်ငံ နေရာအနှံ့အပြားတွင် ဖြစ်ပေါ်နေသော ရေဘေးအတွက် ခံစားချက်များ)