သူတို့တွေ ပြောပြတဲ့ ရန်ကုန်

ရင်ခုန်လွယ်ရင်တော့
ရန်ကုန် ကိုမလာနဲ့…..
-မိုးလှိုင်ည

ဒဂုံဆိုတဲ့ ကျေးလက်တောရပ်ကလေးကနေ
ရန်တွေကုန်ဆင်တဲ့ အထိမ်းအမှတ်နဲ့တဲ့...
-Aမွန်

အနှစ်နှစ်အလလ
"ငါကွ" ရယ်လို့
လက်မ ထောင်နိုင်ခဲ့တဲ့
ရန်ကုန်မြို့တော်ကြီး...
-ကိုလူထွေး

အရောင်စုံ အသွေးစုံ အသားစုံ အသံစုံ ရန်ကုန်၊
ရန်ကုန်ဟာ ရန်ကုန်မှာပဲ မွေးတယ်
ရန်ကုန်ဟာ ရန်ကုန်မှာပဲ ကြီးတယ်
ရန်ကုန်ဟာ ကမ္ဘာ့မြို့ကြီးတွေနဲ့
ရင်ဘောင်တန်းပြီး ရပ်တည်တယ်
ရန်ကုန်ဟာ သွေးကြီးတယ်
-မောင်ချောနွယ်

ရန်ကုန်ဟာ
ကိတ်မုန့်ပေါ် ဖယောင်းတိုင်စိုက်ထားသလို
မိုးမျှော်တိုက် ကျိုးတိုးကျဲတဲနဲ့
သူ့အလှကိုသူ ကပိုကယိုနဲ့ နေလို့ပေါ့
-ကိုဖြိုး

ရန်ကုန်ရဲ့ မြို့ပြညနေခင်းတွေက
အိပ်တန်းပြန်ငှက်တို့ရဲ့ ညည်းချင်းနဲ့
နွမ်းလျစွာ အသက်ဝင်နေမြဲပေါ့..
ပဉ္စလက်ဆန်တဲ့ အိပ်မက်တွေနဲ့
ရန်ကုန်ဟာ ပြုစားတတ်တယ်...
မုသားနှောတဲ့ အပြောတွေနဲ့
ရန်ကုန်ဟာ လူ့အကြောနပ်တယ်...
-ဆုဝေ

ပညာရယ် သြဇာရယ် အသပြာရယ်
တစ်ခုခုမပါရင်
ရန်ကုန်မှာ ကောင်းကောင်းမွန်မွန်ရပ်တည်ဖို့ရာ
မဖြစ်နိုင်ပါဘူး
မင်းနဲ့ပက်သက်ပြီး ဒီလို
ကြားခဲ့ဖူးတယ် ရန်ကုန်ရေ။
-နေမျိုး

ရန်ကုန်မြို့ရဲ့ ရင်ဝမှာ နားကိုကပ်
ကြားတာကို ကြားသလိုမှတ်ကြည့်တော့
အလုပ်လက်မဲ့ ပွဲစားတွေရဲ့ လေရောင်းသံတွေ
မီးလာတုန်းမှာ အလုအယက် ရေမောင်းသံတွေ
ကုန်းအော်နေတဲ့ စပါယ်ယာတွေရဲ့ ရွှေစောင်းသံတွေ
ရုံးပေါ်က ကယ်ပါတွေရဲ့ ငွေတောင်းသံတွေနဲ့ 
ရန်ကုန်မှာ အသံစုံနေတော့တယ်။
-ကောင်းကင်ကို

ကိုယ့်လူ.. လိုချင်တာပြော
နငယ်မနှောနဲ့ ကျန်တာရတယ်။
-ခေလွန်း

ရန်ကုန်ဟာ...ပဟေဋ္ဋိဆန်တဲ့
စာအုပ်တစ်အုပ်လိုပါပဲ
သူ့သဘောကို နောကြေရင် အမှတ်များများရမယ်
ဆိုတဲ့ အတိုင်းပဲ
လူတွေကို လှည့်စားနေသလိုနဲ့
လူတွေရဲ့ ပြန်လှည့်စားခြင်းကြောင့်
ခေါင်းစဉ်အမျိုးမျိုး အတပ်ခံနေရတဲ့
မြို့...........
-ဆိုးသွမ်း

ရန်ကုန်ရဲ့အရိပ်ဟာ ရန်ကုန်ရဲ့အရိပ်လား
ရန်ကုန်ရဲ့အရောင်ဟာ ရန်ကုန်ရဲ့အရောင်လား
ရန်ကုန်ရဲ့အစွန်းအထင်းဟာ
ရန်ကုန်ရဲ့အစွန်းအထင်းလား…။
-ဘခေါင်

 ရန်ကုန်... တစ်ခုလပ် ဖြစ်ခဲ့ပေမဲ့
ဘယ်တော့မှ သွေးဆုံးမှာ မဟုတ်ဘူး။
-ကိုဇေ

ဘာပဲ ဖြစ်ဖြစ် ခင်ဗျားကို
ချစ်နေတုန်းပါပဲ ရန်ကုန်......................။
-ဖုန်းမြင့်

Remix by Ko Zey