ကတိဆိုတာ နှစ်ဦးနှစ်ဖက်လုံးမှာ တာဝန်ရှိတယ်

ကတိပေးတယ်… ကတိအရမ်းတည်တယ်…. ကတိဖျက်တယ်…. ကတိမတည်ဘူး… တာဝန်မယူနိုင်ဘဲ ကတိတွေပေးသွားတယ်… ကတိဘာဖြစ်တယ်… ကတိညာဖြစ်တယ်… ကတိဟိုဟာဖြစ်တယ်… ကတိဒီဟာဖြစ်တယ်… ကတိ… ကတိ… ကတိ…။

ကတိဆိုတဲ့စကားလုံးဟာ ကျွန်တော်တို့နေ့စဉ်ကြားနေရတဲ့ စကားလုံးတွေထဲက တစ်လုံးပါပဲ။ အထူးသဖြင့် ကတိတည်တယ်ဆိုတာထက် ကတိမတည်ဘူးဆိုတဲ့ စကားကို ပိုပြီးကြားနေရပါတယ်။ ကတိမတည်ဘူးဆိုရင် လူအတော်များများက ကတိပေးခဲ့သူကိုသာ အပြစ်မြင်ပြီး ကတိတောင်းခဲ့သူ (သို့မဟုတ်) ကတိအပေးခံရသူဘက်က လိုအပ်ချက်၊ ချို့ယွင်းချက်ကို လျစ်လှူရှုထားတတ်ပါတယ်။ အဲဒီတော့ ကတိပေးသူတစ်ဦးတည်းကပဲ တရားခံကြီးကိုဖြစ်လို့။ ကျွန်တော်တို့ အခြားတစ်ဖက်ကနေပြီး ပြန်ပြီးတွေးကြည့်ရအောင်လားဗျာ…။

ကောင်လေးက ကောင်မလေးကို ကတိတစ်ခုတောင်းတယ်။ (တောင်းချင်မှလည်းတောင်းမယ်။ ကောင်မလေးဘာသာ စေတနာတွေပိုပြီး ပေးချင်လို့ပေးခဲ့တာလည်း ဖြစ်ချင်ဖြစ်မယ်။) ကောင်မလေးက ကောင်လေးကို တစ်သက်လုံး ဘယ်တော့မှ ထားမသွားပါဘူးဆိုတဲ့ ကတိကို လှိုက်လှိုက်လှဲလှဲပေးလိုက်တယ်။ ကောင်လေးက ကောင်မလေးကို အရမ်းသဝန်တိုတယ်။ ကောင်မလေးရဲ့ ပေါင်းသင်းဆက်ဆံရေးတွေလည်း ထိခိုက်ကုန်တယ်။ အလုပ်မှာလည်း အဆင်မပြေတာတွေ ဖြစ်ကုန်တယ်။ ပြီးတော့ ဟိုဟာမလုပ်ရ၊ ဒီဟာမလုပ်ရ၊ ဟိုမသွားရ၊ ဒီမသွားရ၊ ဟိုလူနဲ့ မပတ်သက်ရ၊ ဒီလူနဲ့မပတ်သက်ရ… စသည်ဖြင့် အရမ်း အရမ်းချုပ်ချယ်တယ်။ ကောင်မလေးက ချစ်လွန်းလို့သည်းခံတယ်။ ဒါပေမဲ့ အတိုင်းအတာဆိုတာ ရှိတယ်လေ။ အတိုင်းအတာ တစ်ခု ကျော်လွန်သွားချိန်မှာတော့ ကောင်မလေးက ကောင်လေးကို ထားသွားခဲ့တယ်။ ကောင်လေးက သူအရမ်းချစ်မိလို့ပါ.. ဘာညာပေါ့.. ဆင်ခြေဆင်လက်တွေပေးတယ်။ ကောင်မလေးက ပြန်လှည့်မကြည့်တော့ဘူး။ ကောင်လေးက ကောင်မလေးကို တစ်သက်လုံးထားမသွားပါဘူးဆိုပြီး ဘာလို့ကတိပေးခဲ့လည်း။ ကတိလည်းမတည်ဘူးဆိုပြီး စွပ်စွဲတယ်။ ကောင်မလေး မှားသလား…. ကောင်လေးရော တရားရဲ့လား…။ ကောင်မလေးက ကတိမတည်ခဲ့တဲ့အတွက် မှားတယ်ဆိုရင်တောင် ကောင်လေးက တည်ချင်အောင် ဘာများလုပ်ပေးခဲ့လို့လည်း။ ကောင်မလေးကလည်း အဲလို အခြေအနေတွေ ကြိုမသိခဲ့ရင်တောင် သေချာတာက ကတိပေးတဲ့ အချိန်မှာ ဦးနှောက်က မစဉ်းစားနိုင်လောက်အောင် ချစ်စိတ်မွှန်နေတဲ့ အခြေအနေလည်း ဖြစ်နိုင်တာပလြေ။ ကျွန်တော်တစ်ဦးတည်း ဘေးအမြင်အရဆိုရင်တော့ နှစ်ဦးနှစ်ဖက်လုံးမှာ တာဝန်ရှိခဲ့လို့ပေါ့။

အချို့က ကတိကို စာချုပ်စာတန်းတွေနဲ့ ချုပ်ဆိုဖို့ ကြိုးစားတယ်။ လိင်သရမ်းတတ်တဲ့ ယောက်ျားတစ်ယောက်ကို အဲယောက်ျားကိုမှ မရ,ရရင်မနေနိုင်ဖြစ်နေတဲ့ မိန်းမတစ်ယောက်က လိုချင်တာလိုက်လျှောပြီး ထောင်ဖမ်း၊ တရားရုံးတက် လက်မှတ်ထိုးလက်ထပ်ခိုင်းတယ်ဆိုပါဆိုပါတော့။ ပြီးတော့ အဲလက်ထပ်စာချုပ်ပါ အချက်အလက်တွေနဲ့ ချုပ်ကိုင်ထားလို့ ရပါ့မလား။ နွားသိုးဆိုတာမျိုးက မြင်ရလိုက်ဝှေ့ချင်နေတာ.. ကြိုးများပြတ်လို့ကတော့…ဟင်း…။ ပြီးတော့ ခင်ဗျားတို့ ကမ္ဘာတည်တဲ့စာချုပ်ဆိုတာကို ကြားဘူးလို့လား…။ ကျွန်တော်တော့ မကြားဘူးသေးဘူး။ သိရင်ပြောပြပါ။

ခင်ဗျားက ဒီနေရာမှာပဲရှိတယ်။ ကျွန်တော့်ကိုလည်း မလွန်ဆန်နိုင်ဘူးဆိုပါတော့… ကျွန်တော်က “ဟိတ်ကောင် မင်းကိုညနေ ငါးနာရီမှာ မင်းစောက်ခွက်ကိုလာထိုးမယ်လို့ ကတိပေးတယ်ကွာ” လို့ပြောတယ်။ ဒါပေမဲ့ ကျွန်တော်ရောက်မလာနိုင်ခဲ့ဘူး။ ကျွန်တော် ကတိပျက်သွားတယ်ဆိုပါတော့။ ခင်ဗျားက ဟိတ်ကောင်ကိုဇေ မင်းကတိမတည်ဘူး။ မင်းဘာလို့ ငါ့စောက်ခွက်လာမထိုးတာလည်း လို့ စောဒက တက်မှာလား။ ဒီလိုမှ မဟုတ်ဘဲ ကျွန်တော်ပေးခဲ့တဲ့ ကတိက ဟိတ်ကောင် ညနေကျမင်းကို ငါအရက်တိုက်မယ်ကွာ။ ၆နာရီ ၁၉လမ်း၊ ဝင်းကစောင့်နေလို့ ကတိပေးတယ်ဆိုပါတော့…။ ကျွန်တော်ရောက်မလာခဲ့ဘူးဆိုရင်.. သေချာပါတယ်…. !@#$&^%(*) ကိုဇေ ကတိမတည်ဘူး။ ခင်ဗျားကျွန်တော့်ကို ဆဲမှာပါ။ လူဆိုတဲ့ သတ္တဝါက အတ္တကြီးတယ်ဗျ။ ကျွန်တော်ပေးတဲ့ ကတိက ခင်ဗျားနာမဲ့ကတိဆိုရင် မတည်တာကို မသိချင်ယောင်ဆောင်ပြီး စိတ်ထဲတောင် ကျိတ်ပြီးကျေးဇူးတင်ချင်တင်နေမှာ။  ခင်ဗျားသာနိုင်မဲ့ ကတိမတည်လို့ကတော့ ခင်ဗျား ဘယ်ကျေနပ်လိမ့်မလည်း။ ဒီကောင်ကတိမတည်တဲ့ကောင်ဆိုပြီး အပုတ်ချမှာပေါ့။ ပထမကိစ္စ မသိချင်ယောင်ဆောင်ပေမဲ့ ဒုတိယကတိကို မတည်တဲ့ ကျွန်တော့်ကို ပတ်ဝန်းကျင်ကပါ စွပ်စွဲဦးမှာလား။ စွပ်စွဲနေတဲ့ အချိန်မှာတော့ သာလို့ယူသွားတဲ့ ကတိဆိုတာကို သူတို့မေ့နေကြမှာပါ။

“ကျွန်တော်ဝန်ကြီးဖြစ်ရင် တစ်နိုင်ငံလုံးမီးလင်းစေရပါမယ်” ဆိုတဲ့ကတိပေးတဲ့ အမတ်ကို ကျွန်တော်တို့တွေ မဲထည့်လိုက်ကြတယ်။ သူဝန်ကြီးဖြစ်လာတော့ ပိုလို့ရောင်းစားပါတယ်ဖြစ်ကုန်ရောဆိုတော့ ကျွန်တော်တို့ သူ့ကို မကျေမနပ်ဖြစ်မယ်။ အပြစ်တင်မယ်။ ကျွန်တော်တို့က မီးကိုလိုချင်ခဲ့တာလေ။ အဲဒီလူကြီး အမတ်အဖြစ် အရွေးမခံရခင်တုန်းက ခိုးစား၊ ဝှက်စား၊ ဗြောင်စားခဲ့တာကို ကျွန်တော်တို့ သိခဲ့ပြီး ဒီဘဲကြီးစကားမယုံရဘူးဆိုပြီး မဲမထည့်ပေးခဲ့ရင် တစ်မျိုးပေါ့။ ဒါမှမဟုတ် တစ်သက်လုံး ဘုရားလူကြီးလုပ်ခဲ့တဲ့သူက သူသမ္မတဖြစ်လာရင် တစ်နိုင်ငံလုံးလွတ်လပ်စွာ ဘိန်းရောင်းခွင့်ပြုပါ့မယ် ဆိုရင် ဘိန်းရောင်းသူများ သမဂ္ဂ နဲ့ ဘိန်းစားများ သမဂ္ဂ ဆီကပဲသူမဲရမှာပေါ့။ ကျွန်တော်တို့ ခင်ဗျားတို့ကတော့ အရင်က ဘုရားလူကြီးပါလားဆိုတဲ့ မျက်နှာကိုမှ မထောက်ဘဲ ဘယ်ထောက်ခံမဲပေးပါ့မလည်း။ တစ်ကယ်တော့ နိုင်ငံရေးကတိတွေက အများကြီးကျယ်ပြောပါတယ်ဗျာ။ ကတိဆိုတာ နိုင်ငံရေးသမားတွေရဲ့ strategy တစ်ခုလည်း ဖြစ်နိုင်ပါသေးတယ်လေ။

ခင်ဗျားတို့ မှတ်မိဦးမလား မသိဘူး။ တစ်ခါက ရန်ကုန်မြို့ရဲ့ အထင်ကရ ဖုန်းဆိုင်တစ်ဆိုင်ဖြစ်တဲ့ လူကြီးမင်းဆိုတဲ့ ဖုန်းဆိုင်က တစ်ရက်မှာ သူ့ဆိုင်ကို ဘယ်အချိန်ဆိုလား အရောက်လာရင် S3 ကံစမ်းမဲဖောက်ပေးမယ်ဆိုပြီး promotion လုပ်ပေးခဲ့ဘူးတယ်လေ။ အလကားရမယ်ဆိုတော့လည်း လူပဲ.. လိုချင်ကြတာပေါ့ဗျာ.. လာလိုက်တဲ့သူတွေ သောက်သောက်လဲပဲ.. တိုးလို့တောင် မပေါက်ဘူး။ လူကြီးမင်းရဲ့ အစီအစဉ်ပဲ ညံ့လို့လား၊ အဲလောက်ဖြစ်လိမ့်မယ်လို့ မမျှော်လင့်ထားလို့လား.. အဲဒီနေ့က အစီအစဉ်ကို ရွှေ့လိုက်ရောဗျာ.. အဲဒီမှာ အလကားကိုလာစောင့်တဲ့ လူအုပ်ကြီးခဗျာ လူကြီးမင်းကို ဒေါသတွေထွက်လို့ ဆိုင်ကိုခဲနဲ့ထုသူကထု.. နံရံမှာရေးချင်တာရေးတဲ့သူကရေး.. ဘာတဲ့ လူကြီးမင်း ကတိမတည်ဘူးဆိုလားပဲ… ဟုတ်ပါတယ်.. လူကြီးမင်း ကတိမတည်ပါဘူး။ ဒါပေမဲ့ အလကားရမယ်ဆိုပြီး လာတဲ့သူဘက်ကရော… အလကားမို့လို့ လာကြတာမဟုတ်လား… သူတို့ အသာမရမယ်ထင်လို့လေ… မရလည်း မရရော.. ကတိ မတည်တဲ့သူရဲ့ အပြစ်ပဲဖြစ်ရော.. ကောင်းကြသေးရဲ့လားဗျာ။ 

ကတိဆိုတာ တစ်ခါတစ်လေတော့လည်း မမျှော်လင်တဲ့ အကြောင်းတွေကြောင့်လည်း ကျိုးပျက်တတ်ပါတယ်။ ညနေ၆နာရီ အရောက်လာပါမယ်ဆိုပေမဲ့ အဲဒီနေ့မှာအရင်ကထက် ယဉ်ကြောပိတ်ဆို့နေတတ်ပါတယ်။ ခင်ဗျားဆီ ရောက်ကာနီးမှ ကျွန်တော် လမ်းဖြတ်ကူးရင်း ကားတိုက်လည်းခံရနိုင်ပါသေးတယ်။ ကိုလောကကြီးကလည်း မာယာအများသား။ ခင်ဗျားကို ၁၉ လမ်းမှာ အရက်တိုက်ဖို့ ထွက်အလာ ချစ်သူက နေမကောင်းလို့ ဆေးခန်းလိုက်ပို့ပေးပါဆိုပြီး ဖုန်းဝင်လာရင်လည်း ကျွန်တော် ခင်ဗျားကို မေ့သွားပြီး ချစ်သူထံပါး စိုးရိမ်စိတ်နဲ့ ရောက်သွားမှာပဲလေ…။ တစ်နေ့မှာ လောကကြီးက ကျွန်တော်တို့ကို ၂၄ နာရီပဲပေးထားတယ်လေ။ အဲဒီ ၂၄ နာရီအတွင်း ရွေးချယ်စရာ တစ်ခုထက်ပိုသွားတဲ့ အခါ တစ်ခုကိုပဲ ရွေးချယ်ရတော့မယ်ဆိုရင် ကျန်တစ်ခုကိုတော့ ထားခဲ့ရမှာပဲ…။ အဲထားခဲ့တဲ့အရာဟာ ကတိလည်း ဖြစ်ချင်ဖြစ်မှာပေါ့လေ…။

အတ္တကိုယ်စီရှိတဲ့ လူသားတွေမှာ သူများကတိပေးသည်ဖြစ်စေ ကိုယ်ကတောင်းသည်ဖြစ်စေ ကိုယ်ဘက်က သာမှပဲ ယူကြလက်ခံကြတာပါ။ သူကပေးတဲ့သူဆိုပြီး သူတစ်ယောက်တည်းမှာပဲ တာဝန်ရှိတယ်လို့တော့ ကျွန်တော် မထင်ဘူး။ ဘာပဲဖြစ်ဖြစ် …

ကတိကိုလွယ်လွယ်လည်း မပေးလိုက်ပါနဲ့။

ကတိကိုလွယ်လွယ်လည်း လက်မခံ/မတောင်းလိုက်ပါနဲ့။

တစ်ကယ်တော့ ကတိဆိုတာ ပေးတဲ့သူတစ်ဖက်တည်းမှာပဲ တာဝန်ရှိတာမဟုတ်ပါဘူး။

တောင်းတဲ့သူ/လက်ခံတဲ့သူရဲ့ ဘက်မှာလည်း တာဝန်ရှိပါတယ်။

ကတိဆိုတာ နှစ်ဦးနှစ်ဖက်လုံးမှာ တာဝန်ရှိတဲ့ ကျင့်ဝတ်တစ်ခုပါပဲ။            ။

ကိုဇေ

September 17, 2013 (Tuesday) 1:17 AM